धरणगाव (प्रतिनिधी) तमाशा फडमालक सोपान तुळशीराम कोळी दोनगावकर यांची सून सौ. सपना क्रंतीकुमार सोनवणे ह्यांची दोनगाव ब्रु. गावाच्या सरपंचपदी म्हणून बिनविरोध निवड करण्यात आली आहे.
नुकत्याच झालेल्या गावांच्या ग्रामपंचायत निवडणुकीत दोनगाव ब्रु. ता. धरणगाव जि. जळगाव येथील सौ. सपना क्रंतीकुमार सोनवणे यांना सरपंच व गावाचा प्रथम नागरिक होण्याचा बहुमान मिळाला आहे. त्या तमाशा या कलेच्या माध्यमातून संपूर्ण महाराष्ट्रात दोनगाव ब्रु. गावाचे नाव चालवत असणाऱ्या तमाशा फडमालक सोपान तुळशीराम कोळी दोनगावकर यांच्या सून आहेत.
यावेळी उपसरपंच म्हणून वनिता सुरेश पवार यांची सुद्धा बिनविरोध निवड करण्यात आली. यावेळी निवड निर्णय अधिकारी यांनी कामकाज पाहिले.
