अमळनेर (प्रतिनिधी) अमळनेर बसचे चालक प्रवीण पाटील यांना बस चालवतानाच हृदयविकाराचा झटका आला होता. त्यांना प्रशासनाने दवाखान्यात नेण्यासाठी बस दिली नाही म्हणून कर्मचारी व त्यांचे कुटुंबीय नाराज होते. माझा नवरा बरा होऊन घरी आल्याशिवाय एकही बस आगाराबाहेर जाऊ देणार नाही, अशी भूमिका आगारी चालकाच्या पत्नीने घेतल्यामुळे पारोळा येथे एकच बस रवाना झाली.
भाजपच्या माजी आमदार स्मिता वाघ यांच्यासह कार्यकर्त्यांनी आगारात जाऊन आगार व्यवस्थापक अर्चना भदाणे यांची भेट घेतली. विभाग नियंत्रकांना भ्रमणध्वनीवरून कामगारांना सक्ती करू नका आणि प्रवीण पाटील यांना तातडीची मदत करा, असे सांगितले. त्याचवेळी आजारी प्रवीण पाटील यांच्या पत्नी आणि कुटुंबीय यांनी आक्रमक भूमिका घेत नवरा बरा होऊन घरी येत नाही, तोपर्यंत एकही बस बाहेर जाऊ देणार नाही, अशी भूमिका घेत बसल्या. आडव्या झाल्याने आगारप्रमुख अर्चना भदाणे यांनी कामगारांचा रोष नको म्हणून सर्व बस जमा केल्या. त्यांनतर एकही बस गेली नाही आणि तिच्यावरदेखील परत येताना रत्नापिंप्री येथे दगडफेक झाली.
