जळगाव (प्रतिनिधी) भाजपच्या खासदार रक्षाताई खडसे यांच्या राष्ट्रवादीची प्रवेशाची जोरदार चर्चा सुरु आहे. यावर रक्षाताई खडसे यांनी आपली भूमिका स्पष्ट केली आहे. जो पर्यत मी स्वतःहून अधिकृत घोषणा करत नाही तोपर्यंत माझ्या राष्ट्रवादीत प्रवेशाच्या चर्चेला काही एक अर्थ नाही, असे रक्षाताई खडसे यांनी स्पष्ट केलं आहे.
रक्षाताई खडसे यांच्या राष्ट्रवादी पक्षात प्रवेशाबाबत एकनाथराव खडसे यांना पत्रकारांनी प्रश्न विचारला होता. त्यावर आपण रक्षा खडसेंनाच विचारा, असे उत्तर त्यांनी दिलं होतं. याबाबत रक्षाताई खडसे यांना विचारले असता त्यांनी राष्ट्रवादीत प्रवेश करण्याच्या चर्चेला काही अर्थ नसल्याचे सांगितले. त्यांनी राष्ट्रवादी पक्षात प्रवेशाला आजतरी पूर्णविराम दिला आहे.
जो पर्यत मी स्वतःहून अधिकृत घोषणा करत नाही तोपर्यंत माझ्या राष्ट्रवादीत प्रवेशाच्या चर्चेला काही एक अर्थ नाही, असे रक्षाताई खडसे यांनी स्पष्ट केलं आहे. मीडिया परस्पर काहीही सांगते. मी भाजपाची सदस्या असून रावेर लोकसभा मतदार संघात खासदार म्हणून काम करत राहणार आहे. भविष्यात देखील भाजपची सदस्या म्हणून काम करणार असल्याचेही त्यांनी पत्रकार परिषदेत सांगितले.
रक्षाताई खडसे यांनी सांगितले की, मला राजकारणात बाबांनी (नाथाभाऊ) यांनी आणले. त्यांनी मला राजकारण शिकवले आहे. तुझे काम म्हणजे तुझे भविष्य आहे. म्हणून मी तसे काम करत आहे. नाथाभाऊ यांनी राष्ट्रवादी मध्ये प्रवेश करतेवेळी माझ्याशी चर्चा केली होती. मला त्यांनी भाजपमध्येच काम करण्यासाठी सांगितले आहे. कोणत्याही प्रकारची मला राष्ट्रवादी येण्यासाठी त्याची जबरदस्ती नाही. आम्ही परिवार म्हणून एकत्र राहत असलो तरी जेव्हापासून दोघांचे पक्ष बदलले तेव्हापासून आम्ही दोघेही पक्षवाढीसाठी काम करीत असल्याचे यावेळी त्यांनी सांगितले.
