पिंप्री खुर्द ता. धरणगाव (प्रतिनिधी) येथे ग्रामपंचायत प्रशासनातर्फे तसेच महाराष्ट्र शासन आरोग्य विभागामार्फत एक हजार लसीचे लसीकरण करण्यात आले.
जिल्हा परिषद केंद्र शाळा पिंपरी येथे लसीकरण करण्यात आले असून ग्रामपंचायत प्रशासनातर्फे सरपंच सरलाबाई बडगुजर, उपसरपंच मंगल आण्णा पाटील ग्रामविकास अधिकारी बोरसे यांच्यासह सर्व ग्रामपंचायत सदस्य व कर्मचारी उपस्थित होते. प्रथम डोस, दुसरा डोस तसेच अंध अपंगांसाठी वेगवेगळ्या खोलीत लसीकरणाचे नियोजन करण्यात आले होते. लसीकरणावेळी सरपंच उपसरपंच यांनी गावकऱ्यांना लसीकरण करून घ्यावे, असे आवाहन करण्यात आले. सकाळी ९ वाजेपासून जि प केंद्र शाळेत लसीकरणाला सुरुवात झाली. यावेळी कोणताही गोंधळ न करता गावकऱ्यांनी अगदी शिस्तबद्ध उत्साहपूर्ण लसीकरण करण्यासाठी सहभाग घेतला. पोलीस प्रशासनातर्फे मोती पवार यांनी चोख बंदोबस्त ठेवला.
