जळगाव (प्रतिनिधी) आगामी लोकसभा निवडणुकीच्या पूर्वी पुन्हा जळगाव जिल्हा पोलीस दलातील अधिकार्यांच्या बदल्या करण्यात आल्या आहेत. या बाबतचे आदेश पोलिस अधीक्षक डॉ. महेश्वर रेड्डी यांनी बुधवार काढले.
या बदल्यांमध्ये जिल्हा पेठ पोलिस ठाण्याचे प्रभारी अधिकारी डॉ. विशाल जयस्वाल यांना रावेर पोलिस ठाणे, यावल पोलिस ठाण्याचे राकेश मानगावकर यांना जिल्हा पेठ पोलिस ठाण्याचे प्रभारी अधिकारी म्हणून नियुक्ती देण्यात आली आहे. तर अमरावती ग्रामीण येथून आलेले प्रदीप ठाकूर यांना यावल, नाशिक ग्रामीण येथून आलेले राजेंद्र कुटे यांना रामानंद नगर, अशोक पवार यांना पाचोरा, पांडुरंग पवार यांना भडगाव व मुंबई लोहमार्ग येथून आलेले दत्तात्रय निकम यांना सायबर पोलिस ठाण्याचे प्रभारी अधिकारी तसेच आर्थिक गुन्हे शाखेचा अतिरिक्त कार्यभार देण्यात आला आहे. अहमदनगर येथून आलेले सहायक पोलिस निरीक्षक प्रशांत खंडारे यांना चोपडा शहर, महेश येसेकर यांना पारोळा पोलिस ठाणे येथे पदस्थापना देण्यात आली आहे.
नाशिक ग्रामीण येथून आलेले पोलिस उपनिरीक्षक विजय गायकवाड यांना भुसावळ शहर, बबन पाटोळे यांना फैजपूर, चंद्रकांत दवंगे यांना जामनेर, संजय विधाते यांना पहूर, धुळे येथून आलेले कैलास दामोदर यांना रामानंद नगर, अहमदनगर येथून आलेले भरत दाते यांना पहूर, नंदुरबार येथून आलेल्या प्रिया वसावे यांना रावेर पोलिस ठाणे येथे येथे पदस्थापना देण्यात आली आहे.
