भुसावळ (प्रतिनिधी) लोकसभा निवडणुकीत मतदानाचा टक्का वाढवा तसेच आपले राष्ट्रीय कर्तव्य पार पाडण्यासाठी प्रत्येक मतदाराला मतदान करण्यासाठी प्रोत्साहन मिळावे या हेतूने वरणगाव येथील वासुदेव नेत्रालयाचे नेत्ररोग तज्ञ डॉ.सौ.रेणुका पाटील आणि डॉ.नितु पाटील हे दर निवडणुकी प्रमाणे यावेळी देखील मतदार जनजागृती अभियान रावबणार आहेत.
मतदान करून आलेल्या मतदारांना आठवडाभर नेत्रतपासणी फी मध्ये ५०% सवलत दिली जाणार आहे. १३ मे ला मतदान केल्यानंतर हे अभियान दि. १३ ते २२ मे वरणगाव येथील वासुदेव नेत्रालयात चालणार आहे. लोकशाहीच्या बळकटीसाठी 100% मतदान होणे गरजेचे आहे.शासन,प्रशासन, सेवाभावी सामाजिक संस्था मतदान जनजागृतीसाठी प्रयत्न करत असतात. या लोकशाही उत्सवासाठी आपला देखील हातभार लागावा म्हणून डॉ.पाटील दाम्पत्य यांनी सदर उपक्रम आयोजीत केला आहे.
मतदारांनी मतदान केल्यावर पुरावा म्हणून केवळ बोटावरील शाई दाखवल्यास सदर सवलतीचा फायदा घेता येणार आहे. डॉ.पाटील दाम्पत्य यांनी वासुदेव नेत्रालय २०१४ मध्ये सुरु झाल्यापासून प्रत्येक लोकसभा,विधानसभा,जिल्हा परीषद,पंचायत समिती,नगरपालिका,ग्रामपंचायत आदी.विविध निवडणुकीत सदर उपक्रम राबवत असून आपले सामाजिक भान जोपासत आहे.
सशक्त लोकशाहीसाठी मतदान आवश्यक : अँड.डॉ.नितु पाटील
प्रत्येक नागरिकाने मतदानाचा हक्क बजावणे म्हणजे लोकशाही बळकट करणे होय.मतदान हा लोकशाहीचा सर्वोत्तम उत्सव आहे.तेव्ह्या प्रत्येक नागरिकाने मतदान करण्यासाठी प्रेरित व्हावे यासाठी दि. १३ ते २२ मे या काळात नेत्र तपासणी शुल्कात ५०% सूट मिळणार आहे. याची मतदारांनी नोंद घ्यावी.
मतदार राजा जागा हो!
लोकशाहीचा धागा हो!!
दाखवुनी बोटावरील अभिमानाचा डाग!!!
नेत्र तपासणी फी वर 50% सुट खास!!!!
