मेष : रागाने कोणतीही गोष्ट साध्य होत नाही. तेव्हा घाईचे निर्णय टाळा. शांतपणे विचार करा. बाकी दिवस चांगले असतील. नोकरदारवर्गाने कामाव्यतिरिक्त इतर गोष्टींत लक्ष देऊ नका. व्यवसायात नवीन मालाचे उत्पादन वाढवू नका. आहे त्या मालाची विक्री करणे योग्य राहील. आर्थिक बाबतीत खर्च जपून करा. सार्वजनिक ठिकाणी हस्तक्षेप करणे टाळा. कुटुंबातील वयोवृद्ध व्यक्तीच्या भावनांचा आदर करा. जोडीदाराशी संवाद साधताना संयम ठेवा.
वृषभ : माझेच खरे करण्याच्या नादी लागलात तर मनस्ताप वाढू शकतो. हा मनस्ताप वाढवायचा की नाही हे तुमच्याच हाती असेल. तेव्हा या दिवसांत सहनशीलता वाढवणे हा पर्याय योग्य असेल. बाकी दिवसांचा कालावधी उत्तम राहील. नोकरदारवर्गाला कामांमध्ये मागील कसर भरून काढावी लागेल. व्यवसायाला चालना मिळेल. व्यवसायासाठी काढलेले कर्ज वेळेत भरण्याचा प्रयत्न करा. आर्थिक बाबतीत उधार-उसनवारीचे व्यवहार टाळा.
मिथुन : कारण नसताना हातचे सोडून पळत्याच्या मागे लागू नका. कोर्ट-कचेरी या गोष्टींपासून लांब राहा. नम्रता हा गुण अंगी बाणा. बाकी दिवस चांगले जातील. नोकरदारवर्गाची धावपळ कमी होईल. समजुतीची वाटचाल राहील. दलाली व्यावसायिकांना फायद्याचे प्रमाण उत्तम राहील. वनस्पतीजन्य व्यवसायात मालाची खरेदी-विक्री करताना बाजारपेठेतील परिस्थितीचा अंदाज घ्या. आर्थिक बाबतीत रोखीच्या व्यवहाराला महत्त्व द्या. राजकीय क्षेत्रात ज्येष्ठांची कृपा राहील. व्यसनी व धूर्त मित्रांपासून लांब राहा. मुलांच्या तब्येतीची काळजी घ्या.
कर्क : शुभ गोष्टींची सुरुवात होईल. स्वत:चे अस्तित्व स्वत: निर्माण कराल. नोकरदारवर्गाला नवीन कामाची संधी मिळेल. व्यवसायात नफ्याचे प्रमाण वाढेल. त्यामुळे मोठी गुंतवणूक करणे शक्य होईल. या गुंतवणुकीचा आगामी काळासाठी फायदा होईल. आर्थिक बाबतीत खर्च कमी होतील. हातून समाजसेवा घडेल. मैत्रीच्या नात्यात किरकोळ कारणावरून दुरावा येणार नाही याची काळजी घ्या. नातेवाईकांच्या भेटीगाठी पडतील. भावंडांचे सहकार्य मिळेल.
सिंह : व्यावहारिक गोष्टींना महत्त्व द्या. भावनिक गोष्टी टाळा. बाकी इतर दिवस चांगले असतील. नोकरदारवर्गाने पुढाकार घेऊन केलेल्या कामात यश मिळेल. व्यवसायातून अनेक नव्या गोष्टींचा उदय होईल. त्यानुसार बदल करणे इष्ट ठरेल. अनपेक्षित आर्थिक लाभ होऊ शकतो. समाजमाध्यमांचा वापर करताना नियमांचे पालन करा. नातेवाईकांशी संवाद साधताना वादविवाद टाळा. शेजाऱ्यांशी जेवढय़ास तेवढे राहा.
कन्या : बाकी दिवसांचा कालावधी चांगला जाईल. नोकरदारवर्गाने दुसऱ्यांच्या सांगण्यावरून एखाद्या गोष्टीच्या तळाशी जाऊ नका. व्यवसायात जबाबदारीने निर्णय घ्यावे लागतील. धरसोड वृत्ती कमी करा. आर्थिक बाबतीत व्यवहार चोख ठेवा. राजकीय क्षेत्रात नियमबाह्य गोष्टी टाळा. भावंडांना समजून घ्या. कौटुंबिक वाद टाळा. जोडीदाराच्या सल्ल्याने निर्णय घ्या.
तूळ : कितीही प्रामाणिकपणे प्रयत्न केला तरी समोरच्याला काही फरक पडणार नाही. त्यामुळे त्याचा त्रास आपल्यालाच होऊ शकतो. त्यापेक्षा आहे त्या स्थितीत राहणे उत्तम. नोकरदारवर्गाला कामाच्या बाबतीत इतरांच्या मदतीची अपेक्षा ठेवून चालणार नाही. व्यवसायात भागीदारी न केलेली चांगली. नवीन गुंतवणूक सध्या टाळा. आर्थिक घडी विस्कळीत होणार नाही याची काळजी घ्या. राजकीय क्षेत्रात उत्साह वाटणार नाही.
वृश्चिक : भावनिक गोष्टींचा विचार टाळा. स्वत:चे निर्णय स्वत: घ्यायला शिका. दुसऱ्यांच्या सांगण्याने कोणतेही पाऊल उचलू नका. शांततेच्या मार्गाने गोष्टी हाताळा. बाकी दिवस चांगले असतील. नोकरदारवर्गाने कामात असलेल्या अडचणी दूर करण्यासाठी प्रयत्नशील राहा. व्यवसायात नवीन उत्पन्नाचे पैलू समोर येतील. ते स्वीकारताना विचार करा. अनोळख्या व्यक्तीवर विश्वास ठेवणे टाळा. आर्थिक व्यवहाराच्या बाबतीत दिलेला शब्द पाळा. समाजमाध्यमापासून लांब राहा. मित्रांसोबत वेळ घालवाल. मुलांची प्रगती होईल.
धनू : नोकरदारवर्गाचे काम सुरळीत चालू राहील. भागीदारी व्यावसायिकांनी हिशोबाच्या नोंदी ज्या त्या वेळी ठेवल्या पाहिजेत, अन्यथा गैरसमज वाढू शकतो. व्यवसायात आगामी काळासाठी आत्ताच गुंतवणूक करण्याची गरज नाही. आर्थिक बाबतीत नियोजनाला महत्त्व द्या. राजकीय क्षेत्रात मानसन्मान मिळेल. घरगुती वातावरण चांगले राहील.
मकर : उद्याचे काम आजच करण्याचे नियोजन करा. चांगल्या पर्वाची नांदी होईल. नोकरदारवर्गाला वरिष्ठांकडून अपेक्षित काम मिळेल. व्यवसायात नफ्याचे प्रमाण वाढेल. मात्र अनोळख्या व्यक्तीकडून आलेला प्रस्ताव स्वीकारू नका. स्पर्धात्मक गोष्टीत गुंतू नका. आर्थिक प्रगती होईल. समाजसेवा करण्याचा मोह निर्माण होईल. मित्रांसोबत बोलण्यातून काही गैरसमज होतील. मात्र हे गैरसमज फार टोकाला नेऊ नका. कुटुंबातील हेवेदावे दूर होतील.
कुंभ : नोकरदारवर्गाचे कामकाजात झालेले बदल मानसिक स्वास्थ्य देणारे असेल. व्यावसायिकदृष्टय़ा भरभराटीचा कालावधी राहील. आवक-जावक मोठय़ा प्रमाणात वाढेल. ग्राहकराजा संतुष्ट होईल. आर्थिक बाबतीत व्यवहार चोख ठेवाल. राजकीय क्षेत्रात ज्याचे करावे भले तो म्हणतो माझेच खरे अशा व्यक्तींना सल्ला देणे टाळा. नातेवाईकांच्या बाबतीत महत्त्वाचे निर्णय पुढे ढकला. वैवाहिक जीवनात सुख लाभेल.
मीन : नोकरदारवर्गाचे कामाचे तास कमी होतील. व्यवसायात इतरांचे मार्गदर्शन मोलाचे ठरेल. स्वतंत्र व्यावसायिकांना दिलासा मिळेल. आर्थिक बाबतीत व्यवस्थापन उत्तम जमेल. सार्वजनिक क्षेत्रात सर्वागीण विकास घडेल. कुटुंबातील जबाबदारीची जाणीव होईल. वैवाहिक जीवनातील कुरबुरी दूर होतील. घरगुती वातावरण ठीक राहील. धार्मिक गोष्टींसाठी वेळ मिळाला नाही तरी मदतीचा हात पुढे कराल.
