नवी दिल्ली (वृत्तसंस्था) बिहारमधील (Bihar) वैशाली येथे (Vaishali) एक विचित्र प्रकार समोर आला आहे. येथे चुलत भाऊ-बहिणींना मंदिरात एकमेकांसोबत (Cousins and Sister Married) लग्न केलं आहे. या घटनेचा एक व्हिडीओ व्हायरल होत आहे. या व्हिडीओमध्ये एक तरुण आणि तरुणी गावातील मंदिरात लग्न करीत असल्याचं दिसत आहे. धक्कादायक म्हणजे तरुणी ४ महिन्यांची गर्भवती आहे.
चुलत भाऊ-बहिणीने गावातील एका मंदिरात लग्न केल्याचं समोर आलं आहे. या घटनेचा एक व्हिडीओ सध्या सोशल मीडियावर जोरदार व्हायरल झाला आहे. ही घटना भगवानपूर प्रखंड येथील एका गावामध्ये घडली आहे. या व्हिडीओमध्ये एक तरुण आणि तरुणी गावातील मंदिरात लग्न करत असल्याचं पाहायला मिळत आहे. धक्कादायक बाब म्हणजे लग्नाआधीच ही तरुणी ४ महिन्यांची गर्भवती आहे. गावामध्ये घडलेल्या या प्रकारामुळे सर्वांनाच धक्का बसला आहे.
मिळालेल्या माहितीनुसार, या भाऊ-बहिणीमध्ये गेल्या ३ वर्षापासून प्रेम प्रकरण सुरू होतं. यांच्या लग्नाबद्दल कळताच त्यांच्या घरासमोर गावकरी जमा झाले. लग्नानंतर दोन्ही कुटुंबामध्ये थोडा वेळ तणावाचं वातावरण आहे. आता मुलीचं कुटुंब या लग्नाला परवानगी देणार की नाही याबाबत नेमकी माहिती मिळालेली नाही. दोघांची घरंही जवळपास आहेत. आणि नात्यात दोघेही चुलत भाऊ-बहीण आहेत. बुधवारी सोशल मीडियावर दोघांच्या लग्नाचा व्हिडीओ व्हायरल झाला.
सोशल मीडियावर व्हायरल झालेल्या व्हिडीओमध्ये एक तरुण हातात सिंदूर घेऊन बहिणीच्या भांगेत भरताना दिसत आहे. यानंतर खिशातून मंगळसूत्र काढतो आणि मुलीच्या गळ्यात घालतो. हे सर्व विधी करताना तरुणाने व्हिडीओ केला असून तो स्वत:च व्हायरल केला आहे. गावकऱ्यांना कळताच त्यांच्या घराबाहेर गर्दी जमा झाली. आपल्या चुलत बहिणीसोबत लग्न केल्यामुळे गावात मोठी चर्चा सुरू झाली.
