जळगाव (प्रतिनिधी) स्थानिक गुन्हे शाखेच्या पथकाने अट्टल चोरट्यास सापळा रचून अटक केली आहे. दिपक सुमाऱ्या बारेला (रा. कर्जाणा ता. चोपडा) असे अटक करण्यात आलेल्या आरोपीचे नाव असून त्याच्याकडून चोरीच्या तीन मोटार सायकली जप्त करण्यात आल्या आहेत.
संशयित आरोपी दिपक बारेला याला स्थानिक गुन्हे शाखेच्या पथकाने गुप्त माहितीच्या आधारे चोपडा शहरातील कारगिल चौकातून ताब्यात घेतले. त्याने जळगाव तालुका, धरणगाव आणि भडगावमध्ये मोटार सायकल चोरीचे गुन्हे केले असल्याचे कबूल केले आहे. पुढील तपासकामी त्याला जळगाव तालुका पोलिस स्टेशनच्या ताब्यात देण्यात आले आहे. स्थानिक गुन्हे शाखेचे पो.नि. किसनराव नजनपाटील यांच्या पथकातील पोहेकॉ.संदिप पाटोल, पोहेकॉ. अशरफ शेख, दिपक पाटील, पोना प्रविण मांडोळे, पो.कॉ. परेश महाजन, हेमंत पाटील, चालक पो.कॉ. प्रमोद ठाकुर आदींनी या कारवाईत सहभाग घेतला.
