नांदेड (वृत्तसंस्था) भाजप नेते (BJP) तथा वैद्यकीय शिक्षणमंत्री गिरीश महाजन (Girish Mahajan) आणि राष्ट्रवादीचे नेते (NCP) छगन भुजबळ (Chhagan Bhujbal) यांनी विमानातून एकत्र प्रवास केल्यामुळे राजकीय चर्चेला उधान आले आहे.
गिरीश महाजन आणि छगन भुजबळ यांनी नाशिक ते नांदेड आणि नांदेड ते नाशिक असा एकत्र विमान प्रवास केला. यामुळे राज्याच्या राजकारण जोरदार चर्चा सुरु झाली होती. परंतु आमचा एकत्र प्रवास हा निव्वळ योगायोग असल्याचं मंत्री गिरीश महाजन यांनी म्हटलं आहे. दरम्यान, नांदेडमध्ये गारपिटीने शेकऱ्यांचे मोठे नुकसान झाले आहे. या नुकसानीच्या पाहणीसाठी मंत्री गिरीश महाजन यांना शनिवारी तातडीने लातूर आणि नांदेड दौऱ्यावर जायचे होते. दरम्यान, शनिवारी माजी मंत्री छगन भुजबळ विमानाने अन्य एका कार्यक्रमासाठी लातूरला येणार असल्याचे कळल्यानंतर मंत्री महाजनही त्याच विमानाने आले. विशेष म्हणजे भुजबळ यांनी आपल्या विमानातील एक जागा कमी करून महाजन यांना सोबत आणल्याने चर्चेला अधिकचे उधान आले होते.
