जळगाव (प्रतिनिधी) जळगावमधून एक धक्कादायक घटना समोर आली आहे. धावत्या बसममध्ये एका प्रवाशाने महिला कंडक्टरचा विनयभंग केलाय. या प्रकरणी जळगाव एमआयडीसी पोलिसात गुन्हा दाखल करण्यात आला आहे.
जळगाव-जामनेर मार्गावर जाणा-या बसमध्ये २७ फेब्रुवारी २०२३ रोजी महिला कंडक्टर तिकीट बुकींगचे काम करत होती. त्यावेळी बसमध्ये हजर असलेल्या जामनेर तालुक्याच्या माळपिंप्री येथील अभय विठ्ठल गाढेकर या प्रवाशाला महिला वाहकाने ‘भाऊ तू तिकीट काढून घे’, असे म्हटले. त्यावर अभय गाढेकर याने महिला वाहकाकडे वाईट नजरेने बघत अश्लील हातवारे केल्याचा आरोप महिला कंडक्टरने पोलिसात दिलेल्या तक्रारीत केला आहे. महिला वाहकाने केलेल्या तक्रारीनुसार एमआयडीसी पोलिस स्टेशनला गुन्हा दाखल करण्यात आला असून पुढील तपास हे.कॉ. विजय पाटील हे करत आहेत.
