नंदुरबार (वृत्तसंस्था) तालुक्यातील कोळदे शिवारात ३० वर्षीय महिलेचा खून झाल्याची घटना रविवारी दुपारी साडेतीन वाजेच्या सुमारास उघडकीस आल्यानंतर जिल्ह्यात एकच खळबळ उडाली आहे. दरम्यान, खुनाची ही घटना अनैतिक संबंधांच्या वादातून घडली असल्याची माहिती समोर आली असून पोलिसांनी ५५ वर्षीय पुरुषाला अटक केली आहे.
कोळदा शिवारातील नरोत्तम मुरार पाटील यांच्या शेतातील बाजरीच्या पिकात सोमवारी दुपारी साडेतीन वाजेच्या सुमारास ३० ते ३५ वर्षे वयोगटातील अनोळखी महिलेचा धारदार शस्त्राने खून केलेल्या अवस्थेत मृतदेह आढळून आला होता. घटनेची माहिती पोलिसांना मिळाल्यानंतर पथकाने त्याठिकाणी धाव घेतली होती. दरम्यान, उशिरापर्यंत महिलेची ओळख पटली नसल्याने पोलिसांत खुनाचा गुन्हा दाखल होता.
अपर पोलिस अधीक्षक नीलेश तांबे उपविभागीय पोलिस अधिकारी सचिन हिरे, एलसीबीचे पोलिस निरीक्षक किरणकुमार खेडकर, तालुका पोलिस ठाण्याचे पोलिस निरीक्षक राहुलकुमार पवार यांनी घटनास्थळी धाव घेतली होती. या महिलेची ओळख आहे. नंतर पटली. पोलिसांनी या भागात खोलवर तपास केल्यानंतर कोळदा येथील बन्या सन्या पाडवी (५५) याच्याकडे संशयाची सुई गेली होती. पोलिसांनी त्याला ताब्यात घेत चौकशी केली असता, त्याने १ मे रोजी दुपारी कटरच्या साहाय्याने खून केल्याची कबुली दिली. संशयिताला करण्यात आल्यानंतर मंगळवारी सकाळी न्यायालयात हजर करण्यात आले असता, पाच दिवसांची पोलिस कोठडी सुनावण्यात आली.
पोलिस निरीक्षक राहुलकुमार पवार यांच्याकडून तपास सुरू आहे. मंगळवारी आणखी एकाचा सहभाग असल्याने त्याला ताब्यात घेण्यात आल्याचे समजते. संशयिताची अद्याप ओळख देण्यात आलेली नाही. त्याचा गुन्ह्यात सहभाग कसा,याची चौकशी सुरू आहे. मयत महिलेच्या पतीचे काही वर्षांपूर्वीच निधन झाले असून तिला दोन मुले आहेत.
खून झालेल्या महिलेवर ५५ वर्षीय बन्या पाडवी हा संबंध ठेवण्यासाठी दबाव टाकत असल्याचे समजते. यास ती नकार देत होती. सोमवारी दुपारी ही महिला शेतात एकटी जात असल्याचे बन्या पाडवी याला दिसून आली होती. यावेळी त्याने पाठलाग करत जबरदस्ती केली. दरम्यान, पुन्हा नकार मिळाल्यानंतर बन्या पाडवी याने हातातील कटरने महिलेच्या शरीरावर खोलवर वार करत जखमी केले. निर्जन परिसर असल्याने जखमी झालेल्या महिलेला मदत मिळाली नाही. यातून रक्तस्राव झाल्याने तिचा मृत्यू झाला असावा असा अंदाज आहे.
