नंदुरबार (वृत्तसंस्था) नवापूर तालुक्यातील धुळे- सुरत महामार्गावर सावरट गावाजवळ भरधाव वेगातील चारचाकी वाहनाने दुचाकीला धडक दिल्याने दोघांचा मृत्यू झाला. नंदऱ्या होमा गावित (६०) व वेच्या महा गावित (५८, दोघे रा. नवापाडा, ता. नवापूर) अशी दोघा मयतांची नावे आहेत.
नंदऱ्या गावित हे सकाळी मुलीला भेटण्यासाठी सावरट येथे जात होते. त्यांच्यासोबत वेच्या गावित हेही होते. मंगळवारी सकाळी साडेनऊ वाजेच्या सुमारास उड्डाणपुलाजवळ दोघेही (जी.जे. ०५ के.एल. १९९९) ही मोटरसायकल वळवत असताना धुळ्याकडून सुरतकडे भरधाव वेगाऱ्या जाणाऱ्या (जी.जे. ०१ आर.वाय ०८७५) या वाहनाने त्यांना धडक दिली. चालकाने ब्रेक मारूनही दुचाकीला धडक बसल्याने नंदऱ्या गावित यांचा जागीच मृत्य झाला. वेच्या गावित यांना रुग्णालयात नेण्यात येत असताना त्यांचा मृत्यू झाला.
