जळगाव ( प्रतिनिधी ) – सोशल मीडियावर महिलांवर अश्लिल भाषेत कॉमेंट करुन त्यांचा विनयभंग केला. ही घटना दि. ५ मे रोजी सकाळी दहा वाजेच्या सुमारास घडली. याप्रकरणी संशयित रोहीदास अडकमोल नावाने फेसबुक अकाऊंट असलेल्या व्यक्तिविरुद्ध गुन्हा दाखल करण्यात आला आहे.
शहरातील एका भागात राहणाऱ्या ४० वर्षीय महिलेचे सोशल मीडियावर अकाऊंट आहे. त्यांच्या अकाऊंटवर संशयित रोहीदास अडकमोल नामक इसमाच्या अकाऊंटवरुन महिलांच्या विनयशीलतेचा अपमान करणे, तसेच शांतता भंग करण्याच्या हेतून अश्लिल भाषेत कॉमेंट करुन त्यांची समाजात आणि राजकीय पक्षात प्रतिमा मलीन करण्याचा प्रयत्न केला. हा प्रकार दि. ५ मे रोजी सकाळी दहा वाजेच्या सुमारास उघडकीस आला. पीडित महिलेने दि. ६ मे रोजी जिल्हापेठ पोलिसात तक्रार दिली. त्यानुसार संशयिताविरुद्ध विनयभंगाचा गुन्हा दाखल करण्यात आला आहे. तपास उपनिरीक्षक संजय भांडारकर हे करीत आहे.
