धरणगाव (प्रतिनिधी) जातीवाचक शिवीगाळ करून महिलेचा विनयभंग केल्याची घटना समोर आली आहे. याप्रकरणी धरणगाव पोलीस स्थानकात दोघांविरुद्ध गुन्हा दाखल करण्यात आला आहे.
याबाबत अधिक माहिती अशी की, धरणगाव तालुक्यातील एका गावातील एक महिला तिच्या कुटुंबासह वास्तव्यास आहे. दिनांक 5 मे 2025 रोजी महिला तिच्या पतीसह घराच्या गच्चीवर असताना हर्षल पिंपळकर हा त्यांच्याकडे पाहत होता. यावेळी महिलेने तू काय पाहात आहे, असे विचारले असता हर्षल याने त्यांना अश्लील शिवीगाळ केली. एवढेच नाहीतर त्यांचे पती बोलले असता त्यांना देखील शिवीगाळ केली. नंतर महिला पुढे गेली तेव्हा संशयित आरोपी हर्षल याने विनयभंग केला. तसेच त्यांच्या पतीला देखील धक्का बुक्की करून जातीवाचक शिवीगाळ केली. याप्रकरणी महिलेलेने दिलेल्या फिर्यादीवरून धरणगाव पोलीस स्थानकात दोघांविरुद्ध गुन्हा दाखल करण्यात आला आहे. तसेच पुढील तपास उपविभागीय पोलीस अधिकारी अण्णासाहेब घोलप हे करीत आहेत.
