जळगाव (प्रतिनिधी) नशिराबाद टोलनाक्याच्या बाजूला फास्ट टॅगचे स्टिकर विक्री करण्यास करत एका तरुणाला मारहाण करण्यात आल्याची घटना घडली. या प्रकरणी टोल नाक्याच्या व्यवस्थापकसह तिघांविरुद्ध अदखलपात्र गुन्ह्याची नोंद करण्यात आली आहे.
यासंदर्भात अधिक असे की, नशिराबाद टोलनाक्याच्या बाजूला टेबल लावून फास्ट टॅगचे स्टिकर विक्री करण्यास मनाई करून टोल नाक्याच्या व्यवस्थापकसह तिघांनी उमरखान अन्वर खान (रा. भुसावळ) या तरुणाला मारहाण केल्याची घटना २४ नोव्हेंबर रोजी दुपारी दोन वाजता घडली. याप्रकरणी मंगळवारी व्यवस्थापक मोहम्मद शेहवाल खान, शिवदत्त व दिग्विजय या तिघांविरुद्ध अदखलपात्र गुन्ह्याची नोंद करण्यात आली आहे.
पेटीएम कंपनीत फास्ट टॅग विभागात कामाला असल्याने कंपनीमार्फत फास्ट टॅग स्टिकर विकण्याची परवानगी असल्याने त्याची विक्री करत होतो त्यास टोलनाक्यावरील लोकांनी विरोध करून मारहाण केल्याची तरुणाने तक्रारीत म्हटले आहे.
