जळगाव (प्रतिनिधी) घरासमोर लावलेल्या चारचाकीवर सिमेंड उडविल्याच्या कारणावरुन हेमंत साहेबराव खलसे (वय २२, रा. शिरसोली प्र.बो. ता. जळगाव) यांना चौघांनी कोयत्या सारख्या धारदार शस्त्राने व फायटरने मारहाण करीत जखमी केले. ही घटना दि. ४ रोजी सायंकाळच्या सुमारास शिरसोली गावात घडली. याप्रकरणी चौघांविरुद्ध गुन्हा दाखल करण्यात आला आहे.
जळगाव तालुक्यातील शिरसोली प्र. बो. येथे हेमंत साहेबराव खलसे हा तरुण वास्तव्यास आहे. दि. ४ रोजी सायंकाळच्या सुमारास अंगणात अविनाश बारी यांची गाडी उभी होती. त्या गाडीवर सिमेंट उडविल्या कारणावरुन वाद झाला. या वादातून अविनाश बारी, राजू बारा, संजय बाराव पवन बारा त्यांचे काका भगवान खलसे यांना कोयत्या सारख्या शस्त्राने व फायटरने मारहाण करीत गंभीर जखमी केले. तसेच भाऊ किरण खलसे व आई मंगलाबाई खलसे यांना शिवीगाह करीत त्यांना देखील लाथाबुक्क्यांनी बेद मारहाण केली. दरम्यान, हेमंत खलसे यांनी दिलेल्या तक्रारीवरुन संशयित अविनाश राजू बारी, राजू बाबुराव बारी, संजय बाबुराव बारी, पवन संजय बारी (सर्व रा. शिरसोली, प्र.बो. ता. जळगाव) यांच्याविरुद्ध एमआयडीसी पोलिसात गुन्हा दाखल करण्यात आला आहे.
