जळगाव (प्रतिनिधी) मागील भांडणाच्या कारणावरुन भूषण रामभाऊ पाटील (वय ३४, रा. कुसुंबा, ता. जळगाव) यांना पाईच्या कंपनीत काम करतांना बबल्या संदीप कोळी (रा. कुसुंबा, ता. जळगाव) याने धारदार वस्तूने वार करीत गंभीर जखमी केले. ही घटना दि. ५ जानेवारी रोजी सकाळी साडेअकरा वाजता घडली. याप्रकरणी एमआयडीसी पोलिसात गुन्हा दाखल करण्यात आला आहे.
जळगाव तालुक्यातील कुसुंबा येथील दत्त मंदिराजवळ भूषण रामभाऊ पाटील हे वास्तव्यास आहे. ते दि. ५ जानेवारी रोजी गो-शाळेजवळ असलेल्या पाईप कंपनीत काम करीत असतांना मागील भांडणाच्या कारणावरुन बबल्या कोळी हा त्यांच्यासोबत वाद घालू लागला. यावेळी बबल्या कोळी याने धारदार वस्तूने भूषण पाटील याच्यावर वार करीत त्याला गंभीर जखमी केले. तसेच शिवीगाळ करीत जीवेठार मारण्याची धमकी दिली. रुग्णालयात उपचार घेतल्यानंतर भूषण पाटील याने एमआयडीसी पोलिसात तक्रार दिली. त्यानुसार बबल्या संदीप कोळी (रा. कुसुंबा, ता. जळगाव) याच्याविरुद्ध गुन्हा दाखल करण्यात आला आहे. तपास पोहेका गजानन महाजन हे करीत आहे
