अहमदाबाद (वृत्तसंस्था) चॉकलेट आणायला दुकानावर गेलेल्या आठ वर्षीय मुलीच्या गालाला ५५ वर्षीय दुकानदाराने चावा घेतलल्याची घटना अहमदाबादमधील रखियालमध्ये घडली आहे. या प्रकरणी आरोपीविरुद्ध पॉक्सो अंतर्गत गुन्हा दाखल करण्यात आला आहे.
पीडित मुलगी गेल्या बुधवारी दुपारी परिसरातील एका दुकानावर चॉकलेट आणण्यासाठी गेली होती. तिने दुकानदाराकडे चॉकलेट मागितले. त्यावेळी दुकानदाराने तिला पकडले आणि तिला आतमध्ये ओढले. त्याने मुलीच्या गालावर चावा घेतला. मुलगी घरी गेल्यानंतर तिने घडलेला प्रकार पालकांना सांगितला. दुसऱ्या दिवशी मुलीचे वडील आणि आजोबा दुकानदाराकडे गेले आणि त्यांनी जाब विचारला. त्यांच्यात वाद झाल्यानंतर पिडीत मुलीच्या पालकांनी पोलिसांना बोलावले. त्यानंतर रखियालचे पोलीस अधिकाऱ्यांनी आरोपीला अटक करण्यात आली आहे.
