जळगाव (प्रतिनिधी) टास्क पूर्ण करून ‘पार्टटाईम कमाई’चे आमिष दाखवित जळगावातील पदव्युत्तरचे शिक्षण घेणाऱ्या विद्यार्थ्याची चार लाख ८९ हजार ४०० रुपयांमध्ये ऑनलाइन फसवणूक झाल्याचे समोर आले आहे. ही घटना दि. १४ एप्रिल ते दि. २८ मे दरम्यान, घडली. तरुणाला आपली फसवणुक झाल्याचे कळताच त्याने शहर पोलिसात तक्रार दिली. त्यानुसार फसवणूक करणाऱ्या पाच जणांविरुद्ध शहर पोलिसात फसवणुकीचा गुन्हा दाखल करण्यात आला आहे.
शहरातील भोईटे नगरात एक तरुण राहत असून तो एम. एम.च्या प्रथम वर्षाचे शिक्षण घेत आहे. दि. १४ एप्रिल रोजी त्याला एका अनोळखी क्रमांकावरुना अर्मया पटेल नावाच्या तरुणीचा मॅसेज आला होता. तीने यश याला तुम्ही स्टॉक मार्केटमध्ये पैसे कमवू शकतात. त्याासाठी आमच्या कंपनीने टास्क पुर्ण केले तर तुम्ही दररोज दोन ते दहा हजार रुपये कमवू शकतात, असे सांगितले. त्यानंतर तरुणाला वेबसाईटवर तीन टास्क दिले होते. त्याने ते पुर्ण केल्याने तरुणाच्या बँक खात्यात पैसे जमा झाल्याने तरुणाचा विश्वास बसला. त्यानंतर अमृता जोशी नावाच्या महिलेने गुगल मॅपवर तरुणाला टास्क दिला, परंतु तो टास्क पुर्ण करुना देखील त्याला पैसे मिळाले नाहीत.
दरम्यान, तरुणाला त्या टास्कसाठी सुरुवातीला पाच हजार रुपये भरावे लागतील, असे सांगितल्यानंतर तरुणाने पाच हजार रु पये ऑनलाईन ट्रान्सफर केले. लॉस झाल्याचे सांगत केली पैशांची मागणी ट्रास्क पुर्ण करण्यासाठी तरुणाकडन वेळोवेळी चार ते पाच जणांनी संपर्क साधून त्यांच्याकडून पैशांची मागणी केली. दरम्यान, तरुणाने युपीआयसह फोन पे वरुन त्यांना पैसे ट्रान्सफर केले. दरम्यान, राघव दिक्षीत नावाच्या व्यक्तीने टास्कमध्ये लॉस झाला असून तुम्हाला पैसे मिळणार नसल्याचे सांगितले.
वेळोवेळी केले ४ लाख ८९ हजार रुपये ट्रान्सफर !
तरुणाने पैसे भरु शकणार नसल्याचे समोरील व्यक्तींना सांगितल्यानंतर त्यांनी जो पर्यंत तुम्ही पैसे भरणार नाहीत, तो पर्यंत तुम्हाला पैसे परत मिळणार नसल्याचे सांगण्यात आले. त्यावेळी तरुणाने वेळोवेळी सुमारे ४ लाख ८९ हजार रुपये समोरील व्यक्तींना ट्रान्सफर केले. फसवणुक झाल्याचे लक्षात येताच घेतली पोलिसात धाव गेलेले पैसे परत मिळतील या आशेने तरुणाने पैसे पाठवले होते. मात्र, राघव दिक्षीत नामक इसमाने त्याला तुम्ही दि. २० ते दि. २८ मे रोजी दरम्यान, पैसे पाठविण्यास उशिर केल्यामुळे गॅप पडला असल्याचे सांगत तरुणाकडे पुन्हा ३० हजारांची मागणी केली. तरुणाला आपली फसवणुक होत असल्याचे लक्षात येताच त्याने शहर पोलिसात तक्रार दिली. त्यानुसार अमर्या पटेल, मनोज कुमार, राघव दिक्षीत, अमृता जोशी यांच्यासह एका जणाविरुद्ध फसवणुकीचा गुन्हा दाखल करण्यात आला आहे.
