मुंबई (वृत्तसंस्था) राज्याच्या अर्थसंकल्पात २८ जून रोजी अर्थमंत्र्यांनी ह्यमुख्यमंत्री माझी लाडकी बहिण योजनेह्णची घोषणा केली अन् इकडे या योजनेच्या प्रत्यक्ष अंमलबजावणीसाठी जिल्हा परिषद प्रशासनाने जनजागृतीही सुरू केली. या योजनेंतर्गत पात्र महिलांनी गावातील अंगणवाडी सेविका किंवा ग्रामसेवक/ग्रामविकास अधिकाऱ्यांकडे अर्ज करावे, लागणार आहेत.
राज्याचे अर्थमंत्री अजित पवार यांनी अर्थसंकल्प मांडताना, महिलांचे आर्थिक स्वातंत्र्य, स्वावलंबन, सर्वांगीण विकासाच्या हेतूने ह्यमुख्यमंत्री माझी लाडकी बहीण योजनाह्न राज्यात १ जुलैपासून राबविण्यात येणार असल्याचे घोषित केले. या योजनेनुसार राज्य सरकारकडून २१ ते ६० वय असलेल्या महिलांना दरमहा १५०० रुपये बँक खात्यात जमा केले जाणार आहेत. यासाठी संबंधित महिलेचे वार्षिक उत्पन्न २ लाख ५० हजार रुपयांच्या आत असणे आवश्यक आहे.
संबंधित महिला ही महाराष्ट्र राज्याची रहिवाशी असावी. जिल्ह्यात या योजनेच्या अंमलबजावणीच्या अनुषंगाने जिल्हा परिषदेचे मुख्य कार्यकारी अधिकारी वैभव वाघमारे यांनी जनजागृती सुरू केली. जिल्ह्यातील पात्र महिलांना १ ते १५ जुलै २०२४ या कालावधीत संबंधित गावच्या अंगणवाडी सेविका किंवा ग्रामसेवकांकडे अर्ज सादर करावा लागणार आहे.
अर्जासोबत आधार कार्ड, कुटुंबाचे वार्षिक उत्पन्न २.५० लाखाच्या आत असल्याचा तहसिलदारांचा दाखला यांसह अन्य कागदपत्रे सादर करणे आवश्यक राहणार आहे. योजनेच्या लाभासाठी कुटुंबाचे वार्षिक उत्पन्न २.५० लाखांपेक्षा अधिक नको, कुटुंबात कोणी आयकरदाता असल्यास अथवा कुटुंबातील व्यक्ती सरकारी नोकरी किंवा निवृत्तीवेतन घेत असल्यास योजनेच्या लाभास पात्र असणार नाही.
