जळगाव (प्रतिनिधी) भरारी फाउंडेशनचे तज्ञ डॉक्टर्स, सेवाभावी स्वयंसेवक यांच्या सेवेमुळे आतापर्यंत एकूण १४० रुग्ण पूर्णपणे बरे होऊन आपल्या घरी परतले. तर आज देखील तिघांना डिस्चार्ज देण्यात आला आहे.
आज तिघांना डिस्चार्ज दिल्यानंतर त्यांच्या हातावर क्वारंटाईनचा शिक्का मारून फुलांच्या वर्षावात त्यांना निरोप देण्यात आला. यावेळी डॉ.केतन पाटील, डॉ.स्वप्नील पाटील, डॉ.लक्ष्मणसिह राजपूत, नर्सेस उपस्थित होते. भरारी फाउंडेशनचे सचिन महाजन, दीपक परदेशी, मुग्धा कुलकर्णी मोहित पाटील, देवराज बोरसे, तेजस पाठक बाळू परदेशी उपस्थित होते. भरारी फाऊंडेशनच्या या बहुउद्देशीय संस्थेने छत्रपती संभाजीराजे नाट्यसंकुल येथे ५० खाटांचे सीसीसी सेंटर सुरू केले आहे. या ठिकाणी रुग्णांची घरासारखी पूर्णतः वैद्यकीय सल्ल्यानुसार काळजी घेणे सुरू आहे. आरोग्यसोबतच त्यांच्या मनालाही उभारी मिळावी यासाठी अनेक मोटिवेशनल स्पिकर्स तसेच मनोरंजन क्षेत्रातील मान्यवर या सेंटरला भेट देऊन जात असतात. नाट्य समीक्षक व सामाजिक कार्यकर्त्या वैशाली पाटील, आणि मोटिवेशनल स्पीकर रामचंद्र पाटील, जयदीप पाटील, गिरीष कुलकर्णी अपर्णताई भट्ट यांनी भेट देऊन रुग्णांचे स्वतंत्र सेशन घेतले.
निसर्गोउपचार तज्ञ अनंत महाजन हे रोज सकाळी ८ ते ८:३० या कालावधीत रुग्णांचा अर्धा तास योग वर्ग घेऊन त्यांची प्रतिकारक्षमता वाढवीत आहेत. रोज विविध विषयांवरचे वक्ते व भरारी फाउंडेशनचे पालक रजनिकांतकाका कोठारी, केशवस्मुर्ती प्रतिष्ठानचे अध्यक्ष भरतदादा अमळकर, जैन उदयोग समूहाचे अध्यक्ष अशोकभाऊ जैन, अनिषभाई शहा, नंदूभाऊ आडवाणी, अनिलजी भोकरे सर, डॉ.राजेश पाटील सर, सपनभाऊ झुनझुनवाला, सुशीलभाऊ नवाल, सुनीलभाऊ झंवर, आदेशजी ललवाणी, अनिलजी कांकरिया, सभापती सुचिताताई हाडा,रवींद्रजी लढा, नरेशजी खंडेलवाल, अमरसेठ कुकरेजा, डॉ.राधेश्याम चौधरी व अजिंक्य देसाई हे मान्यवर आपले अनमोल मार्गदर्शन व सहकार्य करीत असून भरारी फाउंडेशनचे कार्यकर्ते यासाठी परिश्रम घेत आहेत.
