चंदीगड (वृत्तसंस्था) केंद्र सरकारच्या कृषि विधेयकाविरोधात पंजाबहून मोठ्या संख्येने शेतकऱ्यांनी दिल्लीकडे आपली वाटचाल सुरू केली आहे. दुसरीकडे पंजाबमध्ये शेतकऱ्यांनी अनेक ठिकाणी ‘रस्ता रोको’ आंदोलन करत महामार्ग ठप्प करून टाकले आहेत.
पंजाबच्या आंदोलक शेतकऱ्यांना हरियाणातल्या अनेक संघटनांचं समर्थन आणि पाठबळ मिळाले आहे. त्यामुळे पोलिसांनाही अलर्ट राहण्याचे आदेश देण्यात आले आहेत. अंबाला सीमेपासून राजधानी दिल्लीपर्यंत सुरक्षा व्यवस्था वाढवण्यात आलीय. विरोधकांचा विरोध डावलत कृषि विषयक विधेयके आज राज्यसभेत आवाजी मतदानाद्वारे संसदेत मंजूर करण्यात आले. परंतू दुसरीकडे मात्र, पंजाब – हरियाणामध्ये शेतकऱ्यांनी मात्र या विधेयकाविरुद्ध अनेक शेतकरी संघटना आज रस्त्यावर उतरलेल्या आहेत. शेतकऱ्यांनी अनेक ठिकाणी ‘रस्ता रोको’ आंदोलन करत महामार्ग ठप्प करून टाकले आहेत. शेकडोंच्या संख्येने शेतकरी अंबालाच्या रस्त्यांवर उतरले आहेत. ट्रॅक्टरसहीत रस्त्यावर आलेल्या या शेतकऱ्यांनी शेतकऱ्यांविरोधात जोरदार घोषणाबाजी केली. आंदोलनकर्त्यांनी झेंडे आणि बॅनर दाखवत सरकारच्या धोरणाचा विरोध केला आहे.
