नवी दिल्ली (वृत्तसंस्था) पंतप्रधान नरेंद्र मोदींच्या वाढदिवसानिमित्तआयोजित कार्यक्रमात हेलियमच्या फुग्यांचा स्फोट झाल्यामुळे भाजपाचे तब्बल ३० कार्यकर्ते जखमी झाल्याची घटना तामिळनाडूच्या चेन्नईमध्ये घडली आहे.
चेन्नईमध्ये भाजपाच्या वतीने नरेंद्र मोदींच्या वाढदिवसानिमित्त एका कार्यक्रमाचे आयोजन करण्यात आले होते. अंबात्तूर परिसरात होत असलेल्या या कार्यक्रमात जवळपास दोन हजार हेलियम गॅसचे फुगे हे आकाशात सोडण्यात येणार होते. फुगे आकाशात सोडण्याची जोरदार तयारी सुरू होती. मात्र त्याच दरम्यान अचानक स्फोट झाला आहे. या स्फोटात सुदैवाने कोणतीही जीवितहानी झालेली नाही. मात्र भाजपाचे ३० कार्यकर्ते जखमी झाले आहेत. पंतप्रधानांच्या वाढदिवसानिमित्त कार्यक्रम आयोजित करण्यात आल्यामुळे कार्यक्रमाला मोठ्या संख्येने कार्यकर्ते उपस्थित होते.
