मुक्ताईनगर (प्रतिनिधी) भाऊ…तुम्ही बांधाल तेच तोरण…तुम्ही ठरवाल तेच धोरण , अशा आशयाचे मजकूर असलेले पोस्टर मुक्ताईनगर तालुक्यात बॅनरबाजी सुरु झाल्यामुळे भाजपचे ज्येष्ठ नेते एकनाथराव खडसे यांचा राष्ट्रवादी प्रवेश निश्चित मानला जात आहे.
भाजपचे नेते तथा माजी मंत्री एकनाथ खडसे यांचा राष्ट्रवादी प्रवेशाबाबत जोरात चर्चा सुरु आहे. दुसरीकडे खडसे यांच्या समर्थकांकडून देखील पक्षांतराची जोरदार तयारी सुरू असून, मुक्ताईनगर परिसरात बॅनरबाजी देखील सुरू झाली आहे. काही कार्यकर्त्यांनी बॅनर लावले आहेत. विशेष त्या बॅनरवरून कमळ गायब आहे. दुसरीकडे नाथाभाऊ भाजपाचे ज्येष्ठ नेते आहेत, आमचे मार्गदर्शक आहेत. सगळ्यांचा हिरमोड होईल. त्यांची नाराजी संपवण्याचा प्रयत्न सुरु आहे. कारण नाथाभाऊ कुठेही जाणार नसल्याची प्रतिक्रिया भाजपचे प्रदेशाध्यक्ष चंद्रकांत पाटील यांनी दिलीय. तर राष्ट्रवादी काँग्रेसचे अध्यक्ष शरद पवार यांच्या उपस्थितीत भाजपचे ज्येष्ठ नेते एकनाथराव खडसे २२ ऑक्टोबर रोजी प्रवेश करणार असल्याचे वृत्त समोर आले आहे. विशेष म्हणजे खडसे यांच्या कन्या तथा जिल्हा बँकेच्या चेअरमन रोहिणीताई खडसे या देखील राष्ट्रवादीत प्रवेश करणार असल्याची चर्चा आहे.
