मुंबई (वृत्तसंस्था) भाजपचे लोकप्रिय माजी आमदार सरदार तारासिंह यांचे आज सकाळी हृदयविकाराच्या तीव्र झटक्याने निधन झाले. ते ८१ वर्षांचे होते. तारासिंह यांच्या निधनामुळे राजकीय वर्तुळातून शोक व्यक्त केला जात आहे.
माजी आमदार सरदार तारासिंह यांच्यावर गेल्या काही दिवसांपासून लिलावती रुग्णालयात त्यांच्यावर उपचार सुरू होते. आज सकाळी त्यांची प्रकृती अचानक खालावली. त्यातच त्यांना हृदयविकाराचा तीव्र झटका आल्याने आज पहाटे त्यांचे निधन झाले. भाजपचे माजी खासदार किरीट सोमय्या यांनी तारासिंह यांच्या निधनाची बातमी ट्विटरवरून दिली आहे. आज दुपारी त्यांच्या पार्थिवावर मुलुंड येथे अंत्यसंस्कार करण्यात येणार असल्याची माहिती समोर येत आहे. तारासिंह हे अत्यंत लोकप्रिय आणि कार्यसम्राट आमदार म्हणून प्रसिद्ध होते.
