पाचोरा (प्रतिनिधी) माजी आमदार दिलीप वाघ हे मुंबईतील बैठक आटोपून पाचोरा परत येत असतांना झालेल्या अपघातातून थोडक्यात बचावले आहेत.
या अपघातात दिलीप वाघ यांच्या वाहनाला प्रचंड मोठे नुकसान झाले आहे. परंतू सुदैवाने दिलीप वाघ हे थोडक्यात बचावले आहेत. गुरुवारी २४ रोजी मुंबईत राष्ट्रवादी काँग्रेस पक्षाची बैठक आटोपून दिलीप वाघ हे शुक्रवारी २५ रोजी परतत होते. सकाळी ११ वाजेच्या सुमारास त्यांच्या वाहनाला समोरून एका वाहनाने जोरदार धडक दिली. या घटनेच्या पार्श्वभूमीवर तालुक्यातील अनेकांनी त्यांची भेट घेत तब्येतीची विचारपूस केली.
