जळगाव (प्रतिनिधी) लग्नास नकार देणा-या नात्यातील तरुणीला रस्त्यातच अडवून भरदिवसा तिचे चुंबन घेण्याचा प्रकार शहरातील मेहरूण भागात घडला. धक्कादायक म्हणजे चुंबन घेण्याचा क्षणाचे आरोपीच्या मित्राने मोबाईलमध्ये फोटो काढले.
यासंदर्भात पीडित अल्पवयीन मुलीने दिलेल्या फिर्यादीत म्हटले आहे की, माझ्या सख्ख्या आत्याचा मुलगा सचिन किरण पवार (रा. नंदुरबार) याने मागील एक वर्षापूर्वी मला लग्नासाठी मागणी घातली होती. तेव्हा आईने त्याला तिचे वय पूर्ण नाही व आम्ही तुला मुलगी देणार नाही, असे सांगितले होते. तेव्हापासून सचिन हा लग्न करण्यासाठी माझ्या मागे लागला आहे. तसेच तू माझ्याशी लग्न केले नाहीस तर तुला पळवून नेईल तुझ्या भावाला उचलून येईल, अशा धमक्या देत होता. या संदर्भात मी आई-वडिलांना हकीकत सांगितली होती. परंतु त्यानंतर देखील सचिन पाठलाग करीत होता.
आज मी माझ्या शाळेत ऍडमिशन साठी लागणारे फोटो देण्यासाठी जात असताना सचिन व त्याच्या सोबत असलेल्या एका मुलगा मला मेहरूण बगीच्या जवळ भेटले. त्यानंतर सचिनने मला जबरीने बगीच्यात घेऊन गेला. तसेच त्याठिकाणी माझ्याशी अंगलट करू लागला. परंतु मी त्याला या गोष्टीला विरोध करत करीत असताना तो जबरीने माझे चुंबन घेऊ लागला व मला मिठी मारून लागला. याच वेळी त्याच्या सोबत असलेल्या मुलाने मोबाईलमध्ये सचिन माझ्याशी जबरदस्ती करीत असल्याचे तसेच ओठांवर चुंबन घेत असल्याचे फोटो काढत होता. परंतु याच वेळी तेथे माझी आई व भाऊ आल्याने त्यांनी माझी सचिनच्या तावडीतुन सुटका केली. दरम्यान, पीडित मुलीने फिर्याद दिल्याबरोबर पोलिसांनी तपास चक्रे फिरवायला सुरुवात केली आणि नंदुरबार जात असतानाच संशयित आरोपी सचिन किरण सिंग पवार आणि सतीश रमेश पवार या दोघांना अटक केली.
