मुंबई (वृत्तसंस्था) पंतप्रधान नरेंद्र मोदी यांना वाढदिवसानिमित्त राष्ट्रवादीच्या नेत्यांनी शुभेच्छा दिल्या आहेत. ट्विटरच्या माध्यमातून अजित पवार, पार्थ पवार आणि अल्पसंख्याक विकास मंत्री नवाब मलिक यांनी मोदींना सदिच्छा दिल्या आहेत.
भारतासारख्या महान लोकसत्ताक देशाचे पंतप्रधान नरेंद्र मोदी यांना वाढदिवसाच्या हार्दिक शुभेच्छा! तुम्हाला निरोगी व दीर्घायुष्य लाभो, हीच सदिच्छा! महाराष्ट्राला तसेच समस्त देशवासियांना न्याय देण्याचे काम आपल्याकडून सदैव होईल, अशी अपेक्षा आहे, अशा शब्दात उपमुख्यमंत्री अजित पवार यांनी शुभेच्छा दिल्या. तर राष्ट्रवादीचे प्रवक्ते आणि अल्पसंख्याक विकास मंत्री नवाब मलिक यांनीही पंतप्रधानांना वाढदिवसाच्या शुभेच्छा दिल्या आहेत. आपले पंतप्रधान आदरणीय नरेंद्र मोदीजी यांना वाढदिवसाच्या हार्दिक शुभेच्छा! आपल्या राष्ट्राची सेवा करण्यासाठी त्यांना उत्तम आरोग्य आणि उच्च आकांक्षा लाभोत.” अशा शुभेच्छा पार्थ पवार यांनी दिल्या आहेत.
