पारोळा (प्रतिनिधी) तालुक्यात एका गावात राहणाऱ्या २१ वर्षीय महिलेला चापट बुक्क्यांनी मारहाण करून विनयभंग केल्याची घटना घडली आहे. याप्रकरणी पारोळा पोलीस स्थानकात मयुर हिरालाल पाटील याच्याविरुद्ध गुन्हा दाखल करण्यात आला आहे.
यासंदर्भात अधिक असे की, दि.१ जून २०२२ रोजी दपारी ४ वाजेच्या सुमारास २१ वर्षीय महिला व तिची दिराणी असे शेतात जाण्यासाठी घराबाहेर निघत होती. यावेळी महिलेच्या अंगनात गावातील मयुर हिरालाल पाटील याने वाळूने भरलेले डंपर आणून उपसा करण्यासाठी समोरील व्यक्तीला फोन करून खोटे सांगितले की, महिलेचे पती धनंजय दिनेश मनोरे व दिर योगेश दिनेश मनोरे हे वाळू उपसा करू देत नाहीय. महिलेचे पती व दिर त्याला विचारण्यास गेले असता मयूर पाटील याने महिलेच्या पतीच्या शर्टाचे कॉलर पकडून मारहाण करण्यास सुरूवात केली. म्हणून महिला धावत पतीला आवरण्यास गेली. यावेळी मयुर पाटील याने महिलेच्या अंगावरील कपडे फाडून टाकले. तसेच महिलेला चापटा बुक्क्यांनी मारहाण करत स्त्री मनास लज्जा उत्पन्न होईल, असे कृत्य केले. याप्रकरणी पारोळा पोलीस स्थानकात मयूर हिरालाल पाटील याच्याविरुद्ध गुन्हा दाखल करण्यात आला आहे. तसेच पुढील तपास पो.ना/ सुनिल वानखेडे हे करीत आहेत.
