भरतपूर (वृत्तसंस्था) पुतण्या आपल्या नुकत्याच लग्न झालेल्या काकीच्या प्रेमात पडला आणि दोघांमध्ये प्रेमसंबंध सुरू झाले. त्यानंतर संधी पाहून दोघेही घरातून पळून गेले. राजस्थानच्या भरतपूर परिसरात ही धक्कादायक घटना समोर आली आहे. याप्रकरणी आरोपीच्या काकाने पोलीस ठाण्यात जाऊन आपल्या पुतण्याविरोधात तक्रार दाखल केली आहे. पत्नीला पळवून नेल्याचा आरोप त्याने केला आहे.
किशनपूर कॉलनीत राहणाऱ्या तरुणाचे लग्न दोन वर्षांपूर्वी झाले होते. त्याची १९ वर्षांची पत्नी आणि २४ वर्षीय पुतण्याचे प्रेमसंबंध जुळले. संधी साधून १६ ऑक्टोबरच्या रात्री पुतण्याने आपल्या काकीला सोबत घेऊन घरातून पळ काढला. आता हे कुटुंब दोघांचा शोध घेत आहेत. पतीने पोलिसांत तक्रार दाखल केली आहे. १६ ऑक्टोबरच्या रात्री त्याची पत्नी पुतण्यासोबत घरातून पळून गेल्याचे तक्रारीत म्हटले आहे. हे कुटुंब दोघांचा शोध घेत आहेत. दोघांविरोधात पोलिसांत गुन्हा दाखल केला आहे. पतीच्या दाव्यानुसार, त्याची पत्नी आणि पुतण्या यांच्यात बऱ्याच दिवसांपासून प्रेमसंबंध सुरू होते. त्याने दोघांनाही बऱ्याच वेळा समज दिली. मात्र, त्याचा काहीही परिणाम या दोघांवर झाला नाही. दोघे संधी साधून घरातून पळून गेले. पोलिसांच्या माहितीनुसार, आजीनेही पोलिसांत आपल्या नातवाविरोधात तक्रार दाखल केली आहे. नातवाने तिच्या सूनेला पळवून नेल्याचे तिने तक्रारीत म्हटले आहे. दोघांचा सर्वत्र शोध घेतला. पण काहीही ठावठिकाणा लागू शकला नाही. वृद्धेच्या तक्रारीनंतर गुन्हा दाखल केला असून, त्यांचा शोध सुरू आहे, अशी माहिती पोलिसांनी दिली.
