भुसावळ (प्रतिनिधी) गणेशोत्सवास १० सप्टेंबरपासून सुरूवात होत असून उत्सव निर्विघ्नपणे पार पडण्यासाठी पोलीस प्रशासनाने कंबर कसली आहे. दरम्यान, भुसावळ पोलिसांनी सादर केलेल्या प्रस्तावानंतर ३२ उपद्रवी गुन्हेगारांना गणेशोत्सवाच्या पार्श्वभूमीवर भुसावळ शहर व तालुक्यात ९ ते २१ सप्टेंबर या काळात शहर व तालुका बंदीचे आदेश प्रांताधिकारी रामसिंग सुलाणे यांनी काढल्याने शहरात खळबळ उडाली आहे.
गणेशोत्सवाच्या काळात कोणीही गर्दी, गोंधळ करू नये, शहरबंदी, तालुका बंदीच्या आदेशाचे पालन न करणाऱ्यांविरूध्द कायदेशीर कारवाई केली जाणार असल्याचे प्रांताधिकारी रामसिंग सुलाणे म्हणाले. गणेशोत्सवाच्या काळात शहरातील विविध गणेश मंडळात शांतता राहण्यासाठी डीवायएसपी सोमनाथ वाघचौरे यांनी शहर व तालुक्यातील पोलीस ठाणे हद्दीतील उपद्रवींविरोधात कारर्वासाठी प्रांताधिकारी यांच्याकडे शहरबंदीचे ३५ प्रस्ताव सादर केले होते. मंगळवारी एकूण ३२ जणांच्या प्रस्तावाला मंजुरी मिळाल्याचे उपअधीक्षक वाघचौरे यांनी सांगितले. प्रांताधिकारी यांनी मंगळवारी काढलेल्या आदेशाची शहर पोलीस ठाणे, बाजारपेठ पोलीस ठाणे व तालुका पोलीस ठाणे यांच्या माध्यमातून अंमलबजावणीला सुरूवात करण्यात आली आहे. तिन्ही पोलीस ठाण्यातील पोलीस कर्मचारी नोटिसा बजाविण्यासाठी नियोजन केले असल्याचे डीवायएसपी सोमनाथ वाघचौरे यांनी सांगितले.
३२ जणांना केले हद्दपार
उस्मान हसन गवळी, अनिल राजारा पारधी, संतोष गोपाळ मोरे, कीशोर मनोहर चौधरी, मुकूंदा संतोष लोहार, रवींद्र दिनेश मोरे, खलील हसन गवळी, विक्की देवपुजे, अक्षय रतन सोनवणे, भूषण उर्फ टक्या मोरे, सूरज आनंदा चंडाले. राकेश राजू बाहे, धीरज चंडाले, प्रमोद प्रकाश धांडे, आकाश देवरे, रत्नपाल नरवाडे, जितेंद्र शरद भालेराव, लक्ष्मण दलपत मोरे, गौरव सुनील नाले, सुभान तुकडू गवळी यांच्यासह ३२ जणांचा समावेश आहे.
