अमळनेर (प्रतिनिधी) शहरातील शिवाजीनगर येथील एका युवकाच्या घरातून पोलिसांनी छापा टाकून ३६ हजाराचा गुटखा जप्त केला आहे. पोलिसांनी संशयित तरुणाला अटक केली आहे.
शिवाजीनगरातील स्वामीसमर्थ मंदिराजवळ राहणाऱ्या राकेश हिरालाल या युवकाच्या घरी पोलिसांनी गुप्त माहितीच्या आधारे छापा टाकला. यावेळी पोलिसांना राकेशच्या घरातून विमल गुटख्याचे २३ पाकिटे, बाबा ब्लॅक तंबाखू १९ पाकिटे, दिललागी सुपारी ४४ पाकिटे, विमल जर्दा तंबाखू २३ पाकिटे, लहर सुगंधित तंबाखू ३३पाकिटे, बागबान तंबाखू १८ पाकिटे व ८ डबे, बागबान ४४० तंबाखू ३० पाकिटे, रोजी सुगंधित सुपारी ३०० पाकिटे, टोबॅको सिल्व्हर व लाल प्रत्येकी २९ पाकिटे, रत्ना ३०० तंबाखू ८ पत्री डबे, सुगंधित बुलेट किमाम ३ काचेच्या बाटल्या असा एकूण ३६ हजार ६६० रुपयांचा माल आढळून आला होता. पोलिसांनी हा सर्व माल जप्त करून राकेशला अटक करून गुन्हा दाखल केला. सहायक पोलिस निरीक्षक प्रकाश सदगीर, पोलीस नाईक रवींद्र पाटील, पोलीस नाईक दीपक माळी व महिला कॉन्स्टेबल रेखा ईशी यांनी कारवाई केली. दरम्यान. असून तपास पोलिस उपनिरीक्षक गणेश सूर्यवंशी हे करीत आहेत.
