जळगाव (प्रतिनिधी) : राज्याचे पाणी पुरवठा व स्वच्छता मंत्री तथा जिल्ह्याचे पालकमंत्री गुलाबराव पाटील यांच्या पुढाकाराने मुख्यमंत्री ग्रामसडक योजना टप्पा – २ (बॅच-१) संशोधन व विकास अतंर्गत जळगाव ग्रामीण विधानसभा मतदारसंघातील ३९.७७ कि.मी. लांबीच्या ९ रस्त्यांच्या कामांसाठी ६४ कोटी २६ लक्ष रुपयांचा निधीच्या कामांना मान्यता मिळाली आहे. यामुळे या रस्त्यांचे भाग्य उजाळणार आहे.
जळगाव ग्रामीण विधानसभा क्षेत्रातील निंभोरा ते खामखेडा रस्ता – ३.८०० कि.मी. लांबीच्या रस्त्यासाठी ५२४.९१ लक्ष व १० वर्ष देखभाल दुरुस्तीसाठी २४.८८ लक्ष तसेच कानळदा ते विदगाव रस्ता ६.८५० कि.मी., रामा-४० ते पिलखेडा ते तालुका हद्द रस्ता ३.२१० कि.मी., ममुराबाद ते आव्हाने रस्ता ४.१०० कि.मी., पाथरी ते तालुका हद्द रस्ता ३.०६० कि.मी., धरणगाव ते वाघळूद ते हनुमंतखेडा ते दहीदुले ते निंभोरा ते चोरगाव रस्ता ५.२२० कि.मी., सतखेडा ते झुरखेडा ते निमखेडा ते दोनगाव ते आव्हानी ते भोकणी रस्ता ५.०७० कि.मी., नांदेड ते रोटवद ते साकरे ते पिंपळे खु. ते पिंपळे बु. ते धरणगाव ग्रामीण ते विवरे ते भवरखेडा ते तालुका हद्द रस्ता ३.८४० कि.मी., प्रजिमा-५० ते बांभोरी बु. रस्ता ४.६२० कि.मी., अशा एकूण ३५.९७० कि.मी.च्या ८ कामांसाठी ५९०१.३५ लक्ष रुपये व पुढील १० वर्ष देखभाल दुरुस्तीसाठी २०४.१३ लक्ष रुपयांना मंजूरी देण्यात आली आहे.
