जळगाव (प्रतिनिधी) – मैत्रीणीला भेटून घरी परतत जाणाऱ्या १४ वर्षीय विद्यार्थिनीला गणेश नाना कोकाटे (वय ७२, रा. रामेश्वर कॉलनी) याने त्याच्या घरात बोलवून तिचा विनयभंग केला. हा प्रकार दि. २४ मे रोजी शहरातील एका परिसरात घडला. या प्रकरणी एमआयडीसी पोलिस ठाण्यात गणेश कोकाटे या वृद्धाविरुद्ध विनयभंगाचा गुन्हा दाखल करण्यात आला आहे. शहरातील एमआयडीसी पोलिस ठाण्याच्या हद्दीतील एका परिसरातील इयत्ता नववीत शिकणारी विद्यार्थिनी या पूर्वी राहत असलेल्या परिसरातील तिच्या मैत्रिणीकडे गेले होती. मैत्रिणीला भेटून ती घरी परतत
असताना परिचयातील गणेश कोकाटे या वृद्धाने तिला घरात बोलविले. अगोदर या परिसरात राहत असल्याने त्याच्याशी ओळख असल्यामुळे ही विद्यार्थिनी घरात गेले. मात्र तेथे जाताच वृद्धाने विद्यार्थिनीसोबत अश्लील कृत्य केले. ‘बाबा मला सोडा’ असे ती म्हणत होती तरी वृद्धाने तिचा अश्लील कृत्य विनयभंग केला.
ओळख असलेल्या वृद्धाने केले अश्लिल कृत्य
पीडित मुलगी या पूर्वी वृद्ध राहत असलेल्या परिसरातच राहत होती. त्यामुळे तिच्या कुटुंबाची वृद्धाशी ओळख होती. त्यामुळे ती त्यास बाबा म्हणायची. मात्र या बाबानेच घात केल्याने मुलीला मोठा धक्का बसला आहे. तसेच फिर्याद देतानाही या मुलीने ‘गणेश नाना कोकाटे बाबा’ असा या
वृद्धाचा उल्लेख केला आहे.
विनयभंग केल्यानंतर वृद्धाने दिले पीडितेला पैसे
विनयभंग केल्यानंतर वृद्धाने पीडीत विद्यार्थिनीला ५० रुपये दिले. तसेच झालेला हा प्रकार कोणाला सांगू नको, असे सांगितले. घाबरलेली विद्यार्थिनी घरी गेली व तिने हा प्रकार तिच्या बहिणाला सांगितला.त्यानंतर एमआयडीसी पोलिस ठाण्यात फिर्याद दिली. यावरून गणेश कोकाटे याच्याविरुद्ध गुन्हा दाखल करण्यात आला आहे. तपास उपनिरीक्षक अशोक काळे करीत आहेत.
