पाचोरा (प्रतिनिधी) नौकरी लावुन देण्याचे व जि.प. शाळेची आर्डर काढुन देण्याचे आमिष दाखवून राजेंद्र दाभाडे यांचा पुतण्या व साडुच्या मुलीची सुमारे ८ लाखांची फसवणूक झाल्याची घटना समोर आली आहे. याप्रकरणी पाचोरा पोलीस ठाण्यात गिरीष जोशी याच्याविरुद्ध गुन्हा दाखल करण्यात आला आहे.
यासंदर्भात राजेंद्र पांडुरंग दाभाडे (वय ४६, रा. पुनगाव रोड पाचोरा) यांनी दिलेल्या फिर्यादीनुसार, दि. १२ नोव्हेंबर २०२१ रोजी गिरीष मंगलनाथ जोशी (रा. बालाजी मंदिराजवळ जय गुरुदेव व्यायाम शाळा पारोळा ता. पारोळा) याने राजेंद्र पांडुरंग दाभाडे यांचा पुतण्या रोहीत बापुसाहेब गाभाडे व साडुची मुलगी नुतन भारत पवार यांना नोकरी लावुन देण्याचे व जि.प. शाळेची आर्डर काढुन देण्याचे आमिष दाखवुन ७ लाख रुपये बँक खात्यावर व एक लाख रुपये रोख स्वरुपात घेवून उडवाउडवीची उत्तरे देवुन पुतण्या व साडुच्या मुलांची कोणतीही ऑर्डर काढून न देता व पैसेही परत दिले नाही. तसेच पुतण्या रोहीत बापुसाहेब दाभाडे, साडुची मुलगी नुतन पवार यांचा विश्वासघात करुन फसवणुक केली. याप्रकरणी पाचोरा पोलीस ठाण्यात गिरीष मंगलनाथ जोशी याच्याविरुद्ध गु.र.न. ९८/२०२२ भादवी कलम ४२०,४०६ प्रमाणे गुन्हा दाखल करण्यात आला आहे. तसेच पुढील तपास पोलीस उपनिरीक्षक विकास पाटील करीत आहेत.
