चोपडा (प्रतिनिधी) तालुक्यातील तावसे येथे बंद घर फोडून सुमारे एक लाख ४१ हजाराचा ऐवज लंपास केल्याची घटना आज सकाळी उघडकीस आली. या प्रकरणी चोपडा ग्रामीण पोलिसात अज्ञात चोरट्याविरुद्ध गुन्हा दाखल करण्यात आला आहे.
बळीराम विठठल नेरपगार (वय ७१, रा.तावसे बु ता.चोपडा) हे दि.२३ सप्टेंबर रोजी पत्नी सकुबाईसह असे पुणे येथे मुलगा प्रमोद नेरपगार यास भेटण्यासाठी गेले होते. आज दि.३ ऑक्टोंबर रोजी सकाळी ८ वाजेच्या सुमारास घरी परतले. घराच्या दरवाज्याला कुलुप लावलेले होते. बळीराम नेरपगार यांनी घराचा दरवाजा उघडून पाहिले असता घरातील सामान अस्ताव्यस्त पडलेले होता. तसेच घरातील सोन्या-चांदीचे दागीने ठेवलेला पत्री डब्या जमिनीवर उघडया स्थितीत पडलेला होता. डब्यातील सोन्या-चांदीने दागीने दिसले नाही.
अज्ञात चोरट्यांनी बंद घरास असलेल्या प्लास्टीक बाजुला सारुन व दुकानाचे मागील भिंतीस असलेले खिडकी तोडून आत प्रवेश केला होता. तसेच दुकानात ठेवलेली जर्मनची पेटीचे कुलूप उघडुन त्यात असलेले रोख रक्कम, दिड ग्रॅम वजनाच्या सोन्याच्या कानातील बाहया व ७ भाराचे हातातील चांदीचे कडे असे एकुण १ लाख ४१ हजार ७०० रुपयाचा ऐवज चोरून नेल्याचे निदर्शनास आले. या प्रकरणी चोपडा ग्रामीण पो.स्टे.ला गुरनं.१७६/२०२३ भादवी कलम ४५४,४५७,३८० प्रमाणे अज्ञात चोरट्याविरुध्द गुन्हा दाखल करण्यात आला असुन पुढील तपास पोलीस निरीक्षक कावेरी कमलाकर ह्या करीत आहेत.
