धरणगाव (प्रतिनिधी) तालुक्यातील झुरखेडे गावाजवळ अज्ञात कार चालकाने धडक दिल्यामुळे दुचाकीवरील पती-पत्नी जखमी झाल्याची घटना नुकतीच घडली. या प्रकरणी अज्ञात कार चालकाविरुद्ध धरणगाव पोलिसात गुन्हा दाखल करण्यात आला आहे.
या संदर्भात अधिक असे की, कैलास देविदास निकुंभ (वय ४० वर्ष, धंदा : शेती, रा. पथराड ता. धरणगाव) हे आपली पत्नी शितल निकुंभ यांच्यासोबत दि. २८ जानेवारी रोजी सकाळी साडेआठ वाजेच्या सुमारास आपली दुचाकी क्र. (MH १९ AZ ९९०४) ने जुनाने ता.जि. धुळे येथे कार्यक्रमाला जात होते. याचवेळी झुरखेडा गावाजवळ समोरुन येणारी चॉकलेटी रंगाची चार चाकी गाडी (नंबर माहीत नाही) निकुंभ यांच्या दुचाकीला धडक दिली. त्यामुळे निकुंभ दाम्पत्य गाडीसह रोडवर साईडला फेकले गेले.
या अपघातात शितल निकुंभ यांच्या डोक्याला डोक्याला मुकामार लागला व तर कैलास यांच्या उजवा पाय गुडघ्याजवळ अपघातात फॅक्चर झाला. याप्रकरणी चॉकलेटी रंगाच्या चार चाकी कार मालकाविरुध्द गुन्हा दाखल करण्यात आला असून पुढील तपास पो.ना.कॉ. जितेंद्र भदाणे हे करीत आहेत.
