जळगाव (प्रतिनिधी) जळगावात जीर्ण इमारत कोसळली ; ढिगाऱ्याखाली महिला अडकली !शहरातील शिवाजी नगरात आज (मंगळवार) सकाळी अत्यंत जीर्ण इमारत कोसळल्याची धक्कादायक घटना घडली. या घटनेत राजश्री पाठक (52) या गृहिणी अडकल्या असून त्यांना सुरक्षितपणे बाहेर काढण्यासाठी मनपा पथकाने बचाव मोहिम राबवण्यास सुरूवात केली आहे. तर या इमारतीत अडकलेल्या एका पुरुषाला सुरक्षितरीत्या बाहेर काढण्यात आले.
जळगाव शहरातील शिवाजीनगरातील अमर चौकाजवळील मस्जिद समोर असलेली एक जुनी इमारत आज सकाळी ९ वाजेच्या सुमारास अचानक इमारत कोसळली. इमारत कोसळताच मोठा आवाज झाला. या आवाजामुळे नागरिक धावत सुटले. यामुळे घटनास्थळी नागरिकांची मोठी गर्दी जमली आहे. या इमारतीच्या खाली दोन महिला अडकल्या होत्या.
दरम्यान, लागलीच बचावकार्य सुरू केल्याने राजश्री सुयोग पाठक यांना बाहेर काढण्यात यश आले आहे. तर आणखी एक महिला अडकलेली असून बचाव कार्य सुरु आहे. या घटनेची माहिती कळताच पालीकमंत्री गुलाबराव पाटील, जिल्हाधिकारी आयुष प्रसाद व यंत्रणेने धाव घेतली. शहरात अनेक जुन्या इमारती असून मनपा प्रशासनाने इमारत मालकांना यापूर्वोच नोटिसा बजावून त्या खाली करण्याचे बजावले आहे.
