अमरावती (वृत्तसंस्था) शालेय मुलीच्या अंगावर फिल्मी स्टाईल चिठ्ठी फेकून तीचा पाठलाग करणाऱ्या दोघां रोमियोंना चांगलाच ‘पब्लिक मार’ बसला आहे. चांदूर बाजार येथील एका शाळेच्या मार्गावर १२ जुलै रोजी सकाळी ११ ते ११:३० च्या सुमारास ही घटना घडली. याप्रकरणी विशाल सुनील झारखंडे आणि हृतिक नामक तरूणाविरुद्ध विनयभंग व पॉक्सो अन्वये गुन्हा दाखल करण्यात आला आहे.
एक १४ वर्षीय शाळकरी मुलगी १२ जुलै रोजी सकाळी शाळेत पायी जात असताना दोघांनी तिचा पाठलाग केला. त्यादरम्यान तिच्या अंगावर चिठ्ठी फेकली. मात्र, ती चिठ्ठी तिने न उचलल्याने दोघांनीही तिला थांबवून तिच्या हाती जबरदस्तीने चिठ्ठी दिली. अचानक दोघांनी पाठलाग करीत हाती चिठ्ठी दिल्याने ती क्षणभर भांबावली. मात्र, तीने आरडा ओरडा केल्यामुळे काही नागरिकांनी धाव घेत त्या दोघांना पकडून चांगलाच चोप दिला.
दोघांचीही नावे विचारण्यात आली. मात्र, दुसरा तेथून पळून गेला. नागरिकांनी विशाल झारखंडे याला चोप देऊन चांदूरबाजार पोलिसांच्या स्वाधीन केले. शाळकरी मुलीचा पाठलाग करून तिच्या अंगावर चिठ्ठी फेकण्याऱ्या विशाल झारखंडे (२१, रा.बेलोरा) व हृतिक यांच्याविरुद्ध विनयभंग व पॉक्सो अन्वये गुन्हा दाखल करण्यात आला आहे. यापैकी विशाल झारखंडे याला लोकांनीच बेदम चोप देऊन पोलिसांच्या स्वाधीन केले.
