जळगाव (प्रतिनिधी) भरधाव दुचाकीने समोरील दुचाकीला धडक दिल्यामुळे मच्छिद्र देवजी महाजन हे जखमी झाले. अपघातानंतर धडक देणाऱ्या दुचाकीवरील तिघांनी जखमीला शिवीगाळ करीत मारहाणही केली. या प्रकरणी एमआयडीसी पोलिस ठाण्यात तिघांविरुद्ध गुन्हा दाखल करण्यात आला आहे.
याबाबत अधिक माहिती अशी की, दि. १४ फेब्रुवारी रोजी एरंडोल तालुक्यातील विखरण येथील मच्छिद्र देवजी महाजन (वय ३६, रा. विखरण, ता. एरंडोल) हे एमएच १९ डीएल ८३९६ क्रमांकाच्या दुचाकीने डी-मार्ट समोरुन जात असताना त्याच्या पाठीमागून आलेल्या भरधाव (एमएच १९, एएक्स ६३४२) क्रमांकाच्या दुचाकीने धडक दिली. यात महाजन हे खाली पडले व पायाला दुखापत झाली. याचा जाब विचारला असता धडक देणाऱ्या दुचाकीवरील तीन जणांनी त्यांना शिवीगाळ करीत मारहाण केली. याप्रकरणी महाजन यांनी दि. १५ रोजी एमआयडीसी पोलिस ठाण्यात फिर्याद दिली. त्यावरून तीन अनोळखींविरुद्ध गुन्हा दाखल करण्यात आला आहे. पुढील तपास पोलिस नाईक सुनील सोनार करीत आहेत.
