जळगाव (प्रतिनिधी) येथील इकरा शिक्षण संस्थेच्या विरुध्द दाखल फ़ौजदारी प्रकरणातुन अब्दुल करीम सालार, अब्दुल अजीज अब्दुल मजीद सालार आणि डॉ. इकबाल शाह मजीद शाह यांची निर्दोष मुक्तता करण्यात आली आहे.
येथील नावाजलेल्या इकरा शिक्षण संस्थेचे अध्यक्ष अब्दुल करीम अब्दुल मजीद सालार, अब्दुल अजीज अब्दुल मजीद सालार आणि डॉ. इकबाल शाह मजीद शाह यांचे विरुध्द मयत शेख इब्राहीम हाजी गुलाम नबी यांनी इकरा शिक्षण संस्थेच्या नावे अध्यक्ष यांनी खरेदी केलेला सालार नगर, मेहरुण भागातील प्लॉट हा स्वता:चा आणि भावाचा फ़ायदा करणेकामी अब्दुल करीम सालार यांनी खरेदी केल्याचे खोटया आरोपांखालील फ़ौजदारी खटला क्र. 223/2013 मध्ये दाखल केलेल्या डीसचार्ज होणेचा अर्ज म. सत्र न्यायालयाने फ़ौजदारी रिविजन अर्ज क्र. 37/2021 चा दिनांक. 21 मे 2022 रोजी मंजुर करुन अध्यक्ष अब्दुल करीम सालार, अब्दुल अजीज सालार आणि डॉ. इकबाल शाह यांची आरोपातून डीसचार्ज/मुक्त्ता करणेचे आदेश पारित करुन सदरचे आरोप खोटे असल्याचा न्यायनिवाडा दिलेला आहे.
सदरचे फ़ौजदारी प्रकरण आणि सत्र न्यायालयातील रिविजन अर्ज असे अब्दुल करीम सालार व इतर यांचेतर्फ़े इकरा शिक्षण संस्थेचे विधीज्ञ रहीम एस. एम. पिंजारी, ॲडव्होकेट, जळगाव यांनी कामकाज हाताळले आहे. या वेळी संस्थेचे अध्यक्ष अ. करीम सालार यांनी सांगितले की, सत्य परेशान होता है पराजित नही “ देर है अंधेर नही. आमचा विश्वास न्याय व्यवस्थावर आहे. समाजासाठी काम करणा-या चांगले लोकांवर खोटे आरोप होत असतात. परंतू नेहमी सत्याचा विजय होतो.
