जळगाव (प्रतिनिधी) महामार्गावर भरधाव वेगाने जाणार्या अवजड वाहनाने दुचाकीला दिलेल्या धडकेत दुचाकीवरील दोन्ही जण जागीच ठार झाल्याची घटना (Accident) घडली आहे.
राष्ट्रीय महामार्गावरील नशिराबाद नजीकच्या माऊली पेट्रोल पंपाजवळ (एमएच ०६, बीई १७६९) या वाहनाने दुचाकीला (क्र. एमएच १९, एएक्स २४६०) जोरदार धडक दिली. यामुळे झालेल्या अपघातात भूषण रमेश पाटील (वय ४२, रा. फैजपूर, ता. यावल) जागीच ठार झाले. तर गंभीर जखमी झालेले संजय मधुकर भिरूड (वय ४५, रा. मस्कावद, ता. रावेर) यांना रूग्णालयात दाखल करण्यात आले. उपचारादरम्यान, रात्री त्यांची प्राणज्योत मालवली. अपघातात मयत झालेले दोघे जण आरोग्य सेवक म्हणून कार्यरत होते. जळगाव येथील काम आटोपून घरी जात असतांनाच त्यांच्यावर काळाने झडप घातली.
