अमळनेर (प्रतिनिधी) भाजपच्या नेत्या अॅड. ललिता शाम पाटील यांनी सोमवारी सकाळी शिवसेना उध्दव बाळासाहेब ठाकरे पक्षात प्रवेश केला. शिवसेना पक्ष प्रमुख उध्दव ठाकरे यांच्याहस्ते त्यांना शिवबंधन बांधण्यात आले.
अॅड. ललिता पाटील यांनी दोन दिवसांपूर्वीच जळगाव जिल्ह्यातील पदाधिकाऱ्यांची बैठक सुरू असतांना शिवसेना पक्ष प्रमुख उध्दव ठाकरे यांची भेट घेतली होती. त्यानंतर त्यांनी शिवसेना-उबाठा पक्षात प्रवेश केल्याने राजकीय चर्चाना उधान आले आहे. अॅड. पाटील यांचा पक्ष प्रवेशाच्या वेळी शिवसेना नेते खासदार संजय राऊत, जळगाव जिल्हा संपर्क प्रमुख संजय सावंत, जिल्हा प्रमुख विष्णु भंगाळे, जळगाव महानगर प्रमुख शरद तायडे, पाचोरा येथील वैशाली सुर्यवंशी आदी उपस्थित होते.
