पाचोरा (प्रतिनिधी) तालुक्यातील खेडगाव नंदीचे गावाजवळ दुचाकीस्वारास अज्ञात वाहनाने दिलेल्या धडकेत एक जण जागीच ठार झाला. तर दुसरा गंभीर जखमी झालाय. नितीन नामदेव भोई (वय ३०), असे मयताचे तर एकनाथ कोळी (वय ३२) असे जखमीचे नाव आहे.
१५ सप्टेंबरला रात्री साडेअकरा वाजेच्या सुमारास नितीन भोई, व एकनाथ कोळी दुचाकीने पाचोऱ्याकडून नांद्रेच्या दिशेने जात होते. जळगाव ते पाचोरा राष्ट्रीय महामार्गावर खेडगाव (नंदीचे) गावालगत हॉटेल जय मल्हारपासून पुढे थोड्याच अंतरावर एका अज्ञात वाहनाने धडक दिली. या अपघात नितीन ठार झाला तर एकनाथ गंभीर जखमी झाला.
अपघाताची माहिती मिळताच तालुक्यातील पहाण येथील शेतकरी स्वप्निल महाजन यांनी नितीन भोई व एकनाथ कोळी यांना रुग्णवाहिका चालक गोलू शिंदे यांच्या मदतीने पाचोरा येथील ग्रामीण रुग्णालयात दाखल केले. वैद्यकीय अधिकारी यांनी नितीन भोई यांना मृत घोषित केले. तर एकनाथ कोळी यांच्यावर उपचार सुरू आहेत. या प्रकरणी पाचोरा पोलिस स्टेशनमध्ये अकस्मात मृत्यूची नोंद करण्यात आली आहे.
