जळगाव प्रतिनिधी । केंद्र शासनाच्या भारतीय हातमाग तंत्रविज्ञान संस्थेतील सन 2020-21 या शैक्षणिक सत्राकरिता तीन वर्षीय (सहा सत्रीय) हातमाग व वस्त्रोद्योग तंत्रविज्ञान पदविका अभ्यासक्रमाच्या प्रथम सत्राकरिता महाराष्ट्र राज्यातून बरगढ (ओडिशा) येथे आर्थिकदृष्ट्या दुर्बल घटकातील एका जागेच्या प्रवेशासाठी पात्र उमेदवारांची निवड करण्यात येणार आहे. याकरीता प्रादेशिक उपआयुक्त वस्त्रोद्योग, नागपूर/सोलापूर/मुंबई/औरंगाबाद यांचेमार्फत विहित नमुन्यात प्रवेश अर्ज दि. 9 ऑक्टोबर, 2020 पर्यत मागविण्यात येत आहे.
प्रवेश अर्जाचा नमुना व इतर अनुषंगिक माहिती वस्त्रोद्योग आयुक्तालयाचे वेबसाईट http.www.dirtexmah.gov.in वर उपलब्ध आहे. तसेच सदर अर्जाचा नमुना सर्व प्रादेशिक उपआयुक्त, वस्त्रोद्योग यांचे कार्यालयात देखील उपलब्ध आहे. असे डॉ माधवी खोडे चवरे, आयुक्त वस्त्रोद्योग, महाराष्ट्र राज्य, नागपूर यांनी एका प्रसिध्दी पत्रकान्वये कळविले आहे.
