चोपडा (प्रतिनिधी) आम आदमी पक्षाचे राष्ट्रीय संयोजक तथा दिल्लीचे मुख्यमंत्री अरविंद केजरीवाल यांच्या अटकेनंतर राज्यभरात आपचे कार्यकर्ते आक्रमक झाले आहेत. चोपड्यातही शुक्रवारी (दि. २२) त्याचे पडसाद उमटले.
आप कार्यकर्त्यांनी नवीन तहसिल कार्यालय परिसरात अर्धा तास इडी व केंद्र सरकारच्या विरोधात घोषणा देत केंद्र सरकारचा निषेध नोंदविला. नही चलेगी – नही चलेगी मोदीशाही नही चलेगी’, ‘जब जब मोदी डरता है – पुलीस को आगे करता है’ यांसारख्या घोषणांनी परिसर दणाणून गेला होता. कार्यकर्त्यांच्या आक्रमक पवित्र्यामुळे परिसर दणाणून गेला होता. हिंमत असेल तर पोलिसांनी राज्यातील भ्रष्टाचारी नेत्यांना अटक करावी, असे आव्हान कार्यकर्त्यांकडून देण्यात आले. आपच्या कार्यकर्त्यांनी तहसिल कार्यालयासमोर निदर्शने केली. यावेळी कार्यकर्त्यांनी आक्रमक होत घोषणाबाजी केली.
तहसिलदार भाऊसाहेब थोरात यांना निवेदन देण्यात आले. निवेदन देते वेळी आम आदमी पक्षाचे तालुका अध्यक्ष समाधान बाविस्कर , आर डी पाटील ( जिल्हा उपाध्यक्ष ) ,इंजि. सुधीर पाटील ( चोपडा शहराध्यक्ष ) , मुकुंद पाटील ( चोपडा तालुका उपाध्यक्ष ) , बाळु कोळी ( चोपडा तालुका महासचिव ) , रामचंद्र भालेराव ( चोपडा शहर सचिव ) ,मोहन सोनवणे ,अशोक नाना पाटील, राहुल गंभीर पाटील ,समाधान उत्तम कोळी ( शाखा प्रमुख चहार्डी ) आदी कार्यकर्ते उपस्थित होते.
