औरंगाबाद (वृत्तसंस्था) औरंगाबादमधे एका निर्जनस्थळी उभ्या असलेल्या कारमध्ये स्फोट झाला. त्यामुळे आत बसलेल्या एका स्त्रीचा आणि पुरूषाचा मृत्यू झाला आहे. धक्कादायक म्हणजे, महिला आणि पुरुषाचा निर्वस्त्र अवस्थेत मृतदेह आढळून आले आहे.
पोलिसांनी दिलेल्या माहितीनुसार, शहरातील गंधेली परिसरात काल संध्याकाळी ही घटना घडली आहे. गंधेली परिसरातील निर्जनस्थळी एका कार थांबवली होती. पण अचानक काही वेळानंतर या कारमध्ये स्फोट झाला. या स्फोटात कारमधील एका महिलेचा आणि पुरुषाचा मृत्यू झाला आहे. धक्कादायक म्हणजे, महिला आणि पुरुषाचा निर्वस्त्र अवस्थेत मृतदेह आढळून आले आहे. या स्फोटात कारचा आतील भाग जळाला आहे.
या कारचा स्फोट कशामुळे झाला हे मात्र अद्याप समजू शकले नाही. निर्जनस्थळी उभी असलेली कार एका शेतकऱ्याच्या निदर्शनास आली. त्याने जवळ जावून पाहणी केली असता सगळा प्रकार समोर आला. घटनेची माहिती मिळताच चिकलठाणा ग्रामीण पोलिसांनी घटनास्थळी धाव घेतली. दोन्ही मृतदेह ताब्यात घेण्यात आले असून शवविच्छेदनासाठी शासकीय रुग्णालयात पाठवले आहे. स्फोट कशामुळे झाला याचा चिकलठाणा ग्रामीण पोलीस तपास करत आहे.
