जळगाव (प्रतिनिधी) बीएचआर घोटाळ्यात अटकेतील मुख्य संशयित आरोपी अवसायक जितेंद्र गुलाबराव कंडारे याचा जामिन अर्ज उच्च न्यायालयाने फेटाळून लावला आहे. त्यामुळे कंडारे याचा कारागृहातील मुक्काम वाढला आहे.
बीएचआर पतसंस्था अवसायनात नोव्हेंबर २०१५ मध्ये तत्कालीन सरकारने जितेंद्र कंडारे याची अवसायक म्हणून नियुक्ती केली होती. पतसंस्थेने वाटलेल्या कर्जाची वसुली करून ठेवीदारांच्या सुमारे ८०० कोटी रुपयांच्या ठेवी परत करायच्या होत्या. मात्र, जप्त केलेल्या कर्जदारांच्या मालमत्ता लिलाव प्रक्रिया राबवून त्यातून येणाऱ्या सुमारे ९०० कोटी रुपयांच्या उत्पन्नातून पतसंस्थेला अवसायनातून बाहेर काढणे आवश्यक हाेते. परंतु, अवसायक कंडारे याने संशयितशी संगनमत करून मोठा गैरव्यवहार केल्याचा आरोप आहे. याप्रकरणी पुणे येथील शिक्रापूर पेालिस ठाण्यात व रज्यभरात ठिकठिकाणी फसवणुकीचे गुन्हे दाखल करण्यात आले. बीएचआर घोटाळ्यातील मुख्य संशयित तथा अवसायक जितेंद्र कंडारेला शिक्रापूर पोलिसांनी २५ डिसेंबरला अटक केली होती. तर कंडारे यांच्याविरोधात व इतर आरोपीविरोधात दोषारोपपत्र दाखल करण्यात आले आहेत.
