बोदवड (प्रतिनिधी) तालुक्यातील कोल्हाडी,निमखेड,चिंचखेड प्र.बो,धोंडखेडा व वडजी या पाच गांवाच्या ग्रामपंचायतींची सार्वत्रिक निवडणूक होत असून शुक्रवारी उमेदवारी अर्ज दाखल करण्याच्या शेवटच्या दिवशी पाच ग्रा पंच्या ३७ जागांसाठी एकुण ६२ नामनिर्देशन पत्र दाखल झाले आहेत. त्यात सरपंच पदासाठी ११ तर सदस्य पदासाठी ५१अर्ज दाखल झाले आहेत.
शुक्रवारी अर्ज स्वीकारण्यासाठी संध्याकाळी साडेपाच वाजेपर्यंत वेळ वाढवून देण्यात आली होती. मुदतीत ५ गावासाठी सरपंच पदासाठी ११ व तेथील सदस्य पदासाठी ५१असे एकुण ६२अर्ज दाखल झाले. त्यात कोल्हाडी येथे पदांची संख्या नऊ असून सरपंचासाठी ५ तर सदस्यासाठी १६ अर्ज दाखल झाले. निमखेड येथे पदाची संख्या ७ असून सरपंचासाठी २ व सदस्यांसाठी १०अर्ज दाखल झाले.चिंचखेड प्र.बो.येथे ७ पदें असून सरपंचासाठी १ तर सदस्यांसाठी ७ अर्ज दाखल झाले, धोंडखेडा येथे ७ पद असून सरपंचासाठी ३ व सदस्यांसाठी ८ अर्ज दाखल झाले. तर वडजी येथे ७ पदे असून सरपंचासाठी एकही नाही तर सदस्यासाठी १० अर्ज दाखल झाले आहेत.
